نفساني - عرض مشاركة واحدة

01-02-2019, 05:17 PM

طال الفراق وقصتي كله احزان
والصبر مل وملت الروح صبري

والعين تذرف دمعها فوق الأوجان
والنار شبت في ضلوعي وصدري

والهم يطويني على طول الازمان
والجرح ينزف دم واقـول بدري

والوقت ما يرحم ولا يملك إحسان
ما يرحم الا الله وافوض له أمري

أقضي طوال الليل مغرم وسهران
عذري طريح الحب ياشوق عذري

حبٍ حفظته من غلا خدر الأعيان
فأقصى الضلوع وداخل الدم يجري

بيني وبينك حالوا اليوم عدوان
وانا وحيد ولأجلك ارخصت عمري

يا أجمل زهور الكون ياعود ريحان
شوفك ربيع العمر ويزيد قدري

حياتنا في ذا الزمن هم واحزان
محدٍ درا عن علتي ليه يدري

يالتني حاكم على عرش سلطان
ماكان ذا حظي وما كان قدري