المشاركة الأصلية كتبت بواسطة شخص ماء

السلام عليكم

اذا حس الواحد انه راح يقدم ع الانتحار وش يسوي ؟
وسواسي كل ماله ويزيد ويصير اشد واصعب تعبت يا بشر انهلكت من الافكار خلاص تفلت العافيه وربي
دمرني الوسواس واهلكني وانا حاليا طالبه ف الجامعه ما اقدر اكمل
الوسواس فتك فيني يارب رحمتك
اقسم بالله احس اني تحملت الويلات من هذي الحياه بسبب الوسواس
معاناه مابعدها معاناه ...
انا صرت اتوهم اني سويت اشياء انا ما اذكرها ولكن من شدة الوساوس والمشاعر اللي كنها حقيقيه احس اني بديت اصدق وش هذا ياربي انا انجنيت ولا ايش
ومهما احاول اجمع اثباتات اني ما سويت هالشي الشنيع الا ان الوساوس مستمره والخوف مستمر وما ارتاح واظل خايفه واتخيل اشياءء مو كويسه غصب عني
5 سنوات وانا على هذا الحال عذاب نفسي
افكر جدياً بالانتحار ما ابي انهي حياتي بس ابي انهي الالم النفسي ..
اسأل الله حسن الخاتمه ...
احس اني انسانه متزنه وعاقله الحمدلله لكن ليش جاني هالشي كأني مجنونه!!!!!!!!!! اشياء وافكار فوق المعقول
بعطيكم مثال على حالتي اتمنى تفهمون
مثلا اكون اتصفح ع الجوال وفجأه تداهمني فكره اني سويت شي مو كويس متعلق بوساوسي ((((وساوسي ف الاخلاقيات ،، مع اني ولله الحمد انسانه اخاف الله وعلى قدر من الالتزام ولكن مدري ليش جتني هالوساوس!!!! ليش هالوساوس بالذات!))) المهم ويبدا عندي الخوف ونبضات قلبي سريعه وتوتر وقلق ويحتر جسمي ولما استرجع ابي اتأكد هل فعلا صار هالشي ما اقدر .... شكوك شكوك وكل ماحاولت اثبت انو فعلا انا مستحيل اسوي هالشي لكن بلا جدوى الخوف والشك مستمر والتخيلات والاوهام مستمره وكأنها حقيقه ومن شدة الخوف وسرعه دقات قلبي الله يكرمكم استفرغ .... ما اقدر اميز بين الحقيقه والوسواس ،،،، شي اشبه بالجنون !!! هل فقدت عقلي ؟ حسبي الله ونعم الوكيل ..
ما اعرف كيف اشرح .. لكن اللي اعرفه اني ما اقدر اتحمل اكثر خلااااااص انا قاعده اتعذب .. ادعولي تكفون
احس اني لسى في بداية عمري وحياتي بس نفسيتي تحتضر
الدنيا رماديه في نظري مافيه طموح ولا اهداف ولا حتى رغبه ف الحياه
خلوها على الله .. دعواتكم بس اني اصبر واثبت في هالحياة المعفنه