نفساني - عرض مشاركة واحدة

04-02-2019, 01:52 AM

اقتباس:

استمري في علاج القط وركزي علي التدفئة والنوم
وعشان ياكل حاولي تعطيه فيتامينات من البيطري
وادعميه بالماء لو عنده جفاف ولاترغميه علي الاكل لان لو عنده جفاف مارح يقدر يهضم الاكل ورح يصير معه اسهال
شوي عسل وماء بس
وحاولي تجربي السردين او التونة

سامحوني بتجاوز الردود لرد الأخ القطراني

حياك الرحمن اخوي

اشكرك على الإفادة

بالنسبة للقط ما صبر حتى اكمل له المضاد بمنتهى الأسف

من رابع يوم بغيت اعطيه المضاد و انظف جروحه و أضع عليها مرهم المضاد لكنه من شدة الخوف اخذ طول النهار و الليل يزمجر و يخبط راسه و يديه بالقفص لين جرح احد كفوفه شفت الدم ظهر من بين اصابعه و انا افكه ما بغيت استوثم فيه

حزنت انه ما كمل المضاد لمدة خمسة أيام

فقط أخذه حقن لمدة ثلاث أيام

و كان ثالث يوم بدأ الحمدلله ماشاء الله تبارك الله يتناول الطعام من نفسه لكن بكمية مرة قليلة و ما زال جسمه جاف

من يوم اطلقته و انا اتحراه لكن ما شفته استودعه اللي خلقه درب السلامة يارب

هذا من القطط اللي يجي عند بابنا ما هو موالف علي لكن الغريب انهم يوم يمرضون او احد عديم دين و ضمير يسممهم يجون عند بابي يستنجدون بي و اغلبهم يوم أقرب منهم يبعدون خايفين ما يخلوني اعالجهم و اتلاحقهم و أحيان القاهم ميتين على بابي

و اللي ربي يوفقني لاصطياده اضعه في قفص داخل القفص كرتون حتى يشعر بالخصوصية و الأمان من نظرات باقي القطط اللي داخل البيت و تحلقهم حوله

لأن عيالي القطط فيهم لقافة اي غريب يتحلقون حول القفص متعجبين من الزائر الجديد

اعالجه كم يوم لين تنتهي فترة المضاد و العلاج و اطمئن انه ياكل ثم اطلق سراحه

اما بالنسبة للتدفئة ذاك الضعيف كان جسمه لوح ثلج من شدة الجفاف و كنت اسقيه مرق دجاج و الماء المضاد للجفاف الخاص بالأطفال، و ملأت قربة ماء دافي كل ما وضعتها جنبه ابتعد مع اني غطيتها بقماش

لكن مدري ايش فيه رابع يوم استوحش و صار خايف يزمجر و يصرخ طوال النهار و الليل لين جرح نفسه و ما تحملت و اطلقته ربي يسلمه و يطمني عليه