المشاركة الأصلية كتبت بواسطة قطرات الندا

ياعمري يا مبتلاه لأنك جميلة روح تشوفي الناس رائعين .
بقولك شي عني ماحب احد يشكرني على واجب وفي هالمنتدى احس واجبي المقدس اني اقول معلومه لو صغيره لكن يمكن تكون لمبه تضيء لأنسان انهكه التعب وتشتت افكاره ومو لاقي حل مثلي انا تماما احيانا اكون مشتته وافماري ملخبطه والحل قدام عيني ومو شايفته ولا انكر فضل هالمنتدى واعضاءه بعد الله في مساعدتي ودعمي والوقوف معاي الله يوفقهم ويجزاهم عني كل خير بجد حسيت انهم عائلتي الصغيره اللي الجأ لها وقت النوبات المخيفه ولقيتهم مأوى امن ارتاح معاهم نفسيا واطمئن .
بخصوص سؤالك هل الدوخه من الدواء انا بالنسبه لي الدوخه كانت قبل الدواء وهي اللي خلتني الجأ للدواء مع اني عالجت سلوكي معرفي تقريبا سته شهور ولا انكر اني استفدت جدا جدا منه اختفى كل شي الهلع والضيق وباقي الاعراض الا الدوخه .
سؤالك هل القلق يعمل كذا ؟ القلق يعمل اكثر من كذا
لو تعرفي مراحل القلق اللي تصيب الانسان ومراحل تطور الاعراض واوصفها لك كان قلتي انتي تتكلمين عني بالضبط شرحها لي الدكتور من بداية القلق البسيط الى القلق الحاد المقنع شي فضيع .يكفي انك تعرفين ان القلق هو مجموعة افكار سلبيه كأنها قطيع يتزاحم في المخ يقوم المخ يركز عليها ويترك مهامه اللي هي ارسال الاوامر لباقي الجسم .
مثال : في بعض الناس يصاب بضيق تنفس وقت نوبة القلق وتكون ملازمه له هالضيقه ليه ؟
المخ فيه عمليتين تكنيكيه منها ارسال الاوامر مثلا للرئه عشان تتنفس طبيعي ومنها تفاعل المخ مع الافكار السلبيه
في حالتي انا هي الدوخه لأن اصلا عندي البؤره المخيفه والمثيره للقلق هي الخوف من المجهول والفناء بالتالي الدوخه تمثل عندي فقد الوعي والمجهول .
امانة حسنت افكاري تحسنت الدوخه كثير كثير مع مساعدة الدواء وقبل كل هذا فضل الله علي سبحانه .
ايقنت وامنت ان القلق اكبر مدمر للانسان واشرس مرض ممكن يمر على الانسان الله يكفينا شره .
مدري قدرت اشرح لك صح واوصل لك الفكره او لا ههههههه