|
تكفون كلكم ادخلو محتاجتكم😪
السلام عليكم حابة اطرح مشكلتي بإختصار وأتمنى منكم المساعدة،،انا تزوجت وسكنت برة سنتين ماشاءالله كنت مبسوطة ومتعرفة على بنات وكده ،، بعدها رجعت عالسعودية وساكنة في مكان لا فيه اهلي ولا أهل زوجي وعلى بال مانلقى بيت ونفرشة سكنا بشقة مفروشة غرفة وصالة وطولنا فيها حول السنة المهم انا لا شغلة ولا مشغلة اكل برة وغسيل برة ومامعايا الاشنطة المهم يمكن كنت مضغوطة وانا مو حاسة لانه الحياة صارت فراغ اسهر لوحدي ماعندي شي ماعرف احد زوجي في. دوامة من الصباح للعصر ... المهم فجأة في يوم كنت سهرانة زوجي خرج الدوام عالساعة تسعة الصباح احس بكتمة وخوف واني بموت واكلم حقون الشقة وزوجي ويجيبوا الإسعاف وخوووف المهم جو الإسعاف سووو ضغط سكر يشوفوني قالو لزوجي مافيها شي اذا بتروح المستشفى وديها أنت المهم في وقتها رحت طوارئ كشفو عليه وعملو تخطيط قالو مافي شي الحمدلله ،، هدا الكلام قبل سنتين بالضبط ومن يومها لليوم وانا اخاف وعندي وساوس واخاف من الموت وتغلبت على دا الوسواس بعدها ومستمر معايا دحين وسواس المرض واخاف من الأخبار السيئة وصايرة مرة حساسة وشايلة هموم الناس كلها ،،،ماابغى أتعمق كثير لانه فعلا أتضايق صرت نفسي اسوي غسيل مخ وارجع ايجابية،،، المهم رحت قبل سنة ونص لطبيب نفسي وقاللي هلع جاكي وسببلي وسواس واعطاني حبوب بس الكل قاللي انتي الحالة جاتك من الفراغ وكبرتيها وصرتي تخافي،، لا تأخذي الحبوب وتحطي نفسك بدوامة،، مع العلم وقت ماجاتني الحالة جات معاها جرثومة معدة واخدت لها العلاج الثلاثي،، المهن انا من جد والله نفسي ارجع ايجابية وتفكيري حلو صايرة نكدية وحياتي بس عالجوال ومو زي زمان احب الناس والجمعات كيف ارجع زي زمان مرررة نفسي ارجع لروحي المرحة مررررة انا دحين بس مهمومة وافكار سلبية وتوتر وعلى أعصابي ،، وإذا سمعت بمرض او شي اتخيل نفسي فيه واي قصة حزينة أقيسها عليه ومن كثر مااني عاطفيةح وطيبة مع الناس حقي بيتاخد،،، مع العلم انه انا اصلا شخصية قلوقة ووسواسية من زمااان كنت اخاف على اهلي وبس اتصل عليهم وكده ومع الزواج لهيت فبدا. معاية دا الوسواس الان ربي رزقني بطفل ونفسي أصير ايجابية ومحبة للحياة
|