نفساني - عرض مشاركة واحدة - شيطان الحسد هو الي دمرني وهذا الحل للخلاص من الاكتئاب

01-03-2019, 02:40 AM

تدري وش مشكلتك صبري ؟

انك تحسب ان صبرك و المك و حرمانك راح يستمر على طول

بالله كيف يبي يستمر و فوقنا و معنا رب رحيم كريم ارحم علينا من امهاتنا و ارحم على انفسنا بأنفسنا

اللي يعطي الجنة سبحانه و سبق اعطاها بغي لانها سقت كلب كيف ما يعطي الدنيا اللي ما تسوى عنده

جناح بعوضة ؟.

بعدين ما يدريك ان هؤلاء الناس اللي يضحكون لا اجتمعوا بالمخدة غرقوها دموع

و انا على فكرة منهم

تدري وش يقولون لي : اول ما يلفت نظرنا ابتسامتك العريضة و عيونك اللي تنطق بالتفاؤل

و تلقاني اصلا و انا رايحة للمشوار بللت غطاء وجهي بدموعي في الطريق ، و ما انام الا

عصرت عيوني دموع

و رغم ذلك ما يراني الناس الا بكامل اناقتي مبتسمة و احيان اضحك و انا بوسطهم لين أدمع

و امازح اولادهم و يفقدوني ، لأن نقطة ضعفي الاطفال و الحيوانات .

ما هو كل من يخرج سعيد ، كلن حالته تطرده ، اما مديون اما له عزيز مريض ، ما أحد خال ..