نفساني - عرض مشاركة واحدة

02-03-2019, 11:44 PM

اختي العزيزه الأكتاب انا عايش معه لجل كذا تابعي معي وش سويت انا لا زال فيني بس بعلمك كيف تقبلت فكره اني اتعايش معه ونصير انا و اياه اصحاب ( اولا الرضا بقضاء الله وقدره )

انا الاكتأب بدا فيني بعمر 11 ووققت اصابتي بلمرض كنت صغير بدنيا واهم النقاط الي بلخصها لك هي ابكي بلغرفه لحالي اشوف المدرسه سجن ومنطوي من غير الاضطهاد النفسي الي مريت فيه يعني لو عندي اب صاحي كان عرف ان ولده مو طبيعي بس وين يعالجك وهو سبب ثاني بمرضك هينا خط احمر خلينا نستنتج شي مفيد من هل النقاط ( لو اهلي اشخاص واعين هل طفل عمره 11 سنه بيقعد بدون علاج ؟ لو اني مسخن ودوني المستشفى بس الأكتاب مرض ماله وجه بمعنا مرض محد يحس فيه غير راعيه يشفوك زيك زي الانسان السوي ( تذكري الاكتأب مرض بلا وجه ) يعني لو تروحي تكشفين وتسوين الي تسويه محد يحس ب الاجبال الي تهد النفس غيرك لجل كذا احزمي موقف تجاه نفسك اعلمك كيف

حاليا الأهلي تغيرو الاباء الامهات بمعنى صار عندهم وعي بسيط تجاه الامراض النفسيه بمعنى احيانا تسمعين لا تضرب الولد يتعقد ومن هل الكلام ولاكن المصيبه ب الاشخاص الي م عندهم هذا الوعي تجاه الامراض النفسيه وماهم مقتنعين فيها بعمنى زي م الي يقول هذا دلوع يبيلها خيزران على ظهره تخليه عاقل ( هينا انا اقولك اذا انتي في بيئه م عندها قناعه ب الامراض النفسيه فمن الافضل انك تعالجي نفسك بمعنا تقبلي نفسك وتقبلي القدر الي قدره الله لك وتذكري ( الله م يحمل نفس فوق طقتها ) بمعنا عندك القدره على تحمل م صابك و استمتعي ب الاشياء الي عندك مثلا انا كولد اقضى وقتي في البلاي ستشن او الاستراحه مع عيال عمي متجاهل الاكتأب تجاهل تام م اسلم له مشاعري بمعنى اتخيله شخص يكلمني يقول خلك منطوي اسوي عكس م يبي تماما اروح اجتمع مع عيال عمي او اشغل البلاي ستشن و العب اون لاين اهم شي م اسلم نفسي الحمد لله بطريقه ذي احارب مرضى

و الاحظ انك ملزمه تقنعين اهلك ان فيك شي انا قلت لك ( الاكتاب مرض بلا وجه ) محد يشوفه غيرك لنه شي يلامس المشاعر لجل كذا قلت لك حاربيه بتطحين مره مرتين وبعدين بتنهظين و خلاص بيصير عندك المهارات للتقبل المرض شوفي طريقة من صنع يدك مو شرط طريقتي

وتذكري قولة تعالى ( إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ )

صامدة رغم المحن معجب بهذا