نفساني - عرض مشاركة واحدة

03-03-2019, 01:00 AM

السلام عليكم

هلا بك اختي

ان شاء الله ما توصل للانتحار لأن إيمانك ما راح يسمح لك تخلين الشيطان يسيطر عليك و لا تبين تفرحين فيك..

اطلبي اللي من ترجاه ما خاب، محيي العظام الباليات الهميدي، اللي يفرج على كل من دمعه على الخد سكاب، و حلو الكرا عن موق عينه بعيدي..

أبشرك اختي قربت تفرج، لانها ما ضاقت و استحكمت الحلقات الا وراها المخرج و الفرج،

و لا تنسين لأنك مضطرة لك دعوة مستجابة، اللي يقبل دعوة المضطر الكافر فما بال المسلم الموحد سبحانه..

هل تظنين انه ما يراك.. هل تظنين انه يبي ينساك؟

يا بنت تراه ارحم عليك من نفسك بنفسك

و انا أرحب اني اكون الاخت اللي لم تنجبها امك و تقدرين تتواصلين مع الإدارة يتواصلون معي اذا رغبت..

و فيه موضوع سبق كتبته يوم ضاقت فيني الوسيعة و كان خارج من القلب، و ما خرج من القلب يقع في القلب

ابجيب الرابط

و اسأل الله لنا وياك الفرج العاجل و لجميع المسلمين المكروبين

آمين

صامدة رغم المحن ,حتوم معجبون بهذا