نفساني - عرض مشاركة واحدة

05-03-2019, 12:25 AM

إهداء لمحمد الجنرال و لكل جنوده و مسانديه و معاونيه من الجيش النفساني :)

يابحر لو اكتب ابياتي على موُجك رساله
بيت واحد من بيوتي يقلب املاحك عذوبة

يابحر ياليتني باقي على طيـّـش الجهاله
يوم كَنت صغير ما أواجه من الدنيا صـُعوبه

الفرح عنده مـَوظفني ومعطيني وكالة
للضحوك ، وللمزوح ونزوة النفـس اللعوبه

ويـوُم كمل عمري العشرين ! قدمت إستقاله
' الفرح عيّا اُسلوبي لايوافق مع اسلوبه

القوانين القديمه والمذاهب ، والأصاله ..
تلزم الرجّال لو الحال ماشي دُوب دوبه

يابحـرِ والله ماشيب روسنا غير الرجالة
عيب نسكت .. وان هَرجنا كلمة الرجل محسوبه

يامُـوصي لاتوصي صاحبك يلزم .. رياله
وش يسوي بالفلـوُس؟ اللي تبرت من جيوبه

أنت وصّلت النصيحه واتركه مالك و ماله
الكـرم ماهو مجنب عنه لو إنه عقوبه

كم مره؟ جاه حمّل مايطيقه وإرتكى له
مِن عناده للحمول الجايرة ما قال توبه

لو تسلف واجب ضيوفه ! من هنود البقاله
مع صَلاة الظهـر في جده وفِي عز الرطوبه

لجل مايدرون ضِيفانه بحاله كيف حاله
مايجيهم غير مستانس ويضحك مع جنوبه

كرم الله لحية اللي ضيفه يكرم سباله
سود الله لحية اللي يعطي ضيوفه ذروبه

البخيل تشوف وسم الضيم حتى في عيِاله
ماتقول الا مشلوطهم على النار الشّبوبه

والكريم اليا عطى كنّه مايعطي من حلاله
لو طلبته ثوبه الي لابسه يِعطيك ثـوُبـه

لعنبوا جـَد البخل واللي يحطه راس ماله

البخيل ، بخيل مايعطيك حتى من ذنوبه !
البخيل ، بخيل مايعطيك حتى من ذنوبه .