نفساني - عرض مشاركة واحدة

13-03-2019, 01:47 AM

اقتباس:

المشاركة الأصلية كتبت بواسطة شخص ماء

اشكرك ابو عبادي على تفاعلك بمواضيعي الله يسعدك دنيا واخره ..
انا اخذ علاجات من 5 سنين لكن ما اشوف لها مفعول كثير يعني تقريبا 20٪ اللي استفيده منها .. الادويه اللي جربتها (سيروكسات،ساليباكس، فينيكس،فافرين) ما جابت معي نتيجه عشان كذا جاني احباط
وش الحبوب اللي نفعت معاك ممكن تقولي اسمها ؟
واذا انت في الرياض مين الدكتور اللي تنصحني اروح له.
اهلي دايم ينصحوني بالجلسات السلوكيه جربت 4 جلسات عند اكثر من دكتور ما احس نفعتني كلام فاضي .. تنصحني ارجع للجلسات السلوكيه؟

العفو ي اختي شخص ما والله يسعدك ويكتب لك الخير بكل أمورك آمين 🌹
بشأن الأدوية شوفي مو كل المرضى يستفيدوا من نفس الأدوية، وبالعكس لايجيك إحباط ولاشئ، مرات لما كان يجيني الإحباط واليأس والله أستشعر نعمة الله علي ولو كنت امشي واشوف مصيبة غيري تهووون علي مصيبتي يعني هالشئ لوحده إنك بين أهلك وتصلي صلاتك وتعيش يومك ولو فيه شئ من الحزن إلا إنه يبقى نعمة عظيمة عودي نفسك تحتسبي وتصبري إلا ماتفرج بإذن الله تعالى، ومن ناحية الأدوية اللي إستفدت عليها السيبرالكس ماشاء الله الدواء السحري، إلا إني جربت الفافرين حسب توجيه الدكتورة وتعبني بالبداية ووقفته ورجعت للحب 😊 السيبرالكس والحمد لله الأمور طيبة طبعاً مع التدرج بالجرعات بالتنسيق مع الدكتورة ودواء تربتزول للنوم والمنامات المزعجة وحسب الضرورة، والإندرال للنبضات السريعة والرهاب وماشاء الله نتائج معقولة بفضل الله تعالى، وانا مو من الرياض والمركز اللي اروح له الحكومي بحكم غلاء المستشفيات الخاصة من ناحية الطب النفسي وربك ساترها نحمده ونشكره على كل حال، العلاج السلوكي المعرفي مساعد للعلاج الدوائي، وهنا تكمن فائدته بإذن الله، ونصيحتي الجلسات السلوكية تكون مع الدوائية أفضل للحصول على نتيجة ملحوظة بأمر الله، ويارب تطيبين وتكوني دائماً بخير وسعادة وراحة بال🤲 الله يسعدك 🌹
وآسف تأخرت بالرد مانتبهت للموضوع ☹️
دمتي بحفظ الله ورعايته