المشاركة الأصلية كتبت بواسطة مبتلاه بالهلع

اختي الغاليه الكلمه الطيبه انت كلامك ما اقدر انكره ولا اقدر اقول فيه شي طبعا لانه من كلام الله ورسوله عليه الصلاة والسلام

انا اول ما اصبت بالهلع رحت عند حرمه كبيره فالسن لها بالعلاج بالاعشاب وقالت فيني مس ودلتني على شيخ ورحت وسالني اساله وقرر بناء على اجوبتي فيني سحر وبدا يقرأ علي بديت ابكي مع تشنجات ورفرفه فالابهام الايمن وبدات معاه بجلسات بناء على كلامه والتزمت وبدا يقرا علي مره مرتين ثلاثه وعطاني القسط الهندي و المسك الاسود والسدر والملح والشبه اشياء اشربه واشياء اكلها وزيت زيتون واشياء احطها في جسمي كله جلست معاه قرابة الشهر بعدها انتقلت لشيخ ثاني هذا الشيخ معروف عالج ناس كثير من داخل السعوديه وخارجها بامر الله سبحانه طبعا وبرضو نفسس الطريقه قرا علي وعطاني زيت زيتون وووو بعدها رحت لراقيه حرمه ونفس الطريقه وبعدها رحت للشيخ عادل المقبل معروف جدا ودخلت عليه الله يجزاه خير الجزاء مع انه متوقف عن القراءه والرقيه الا ان ربي سخره لي وسبحان الله عطاني موعد ورحت له وشافني وشاف وضعي وعطاني رقيه امشي عليها بعدها وختامها مسك جاني شيخ كبيييير فالسن من الرقاة القدماء له فالرقيه ٣٥ سنه ويوم دقيت عليه كان متوقف عن الرقيه لكبر سنه وسبحان الي لطفه وتسخيره لي معاي ولازال معاي جل جلاله وجاني هالشيخ الى بيتي وبدا يقرا ويقرا ويقرا وفي نهاية كل الرقاه وكل الي اخذته واكلته وشربته طووووول ٦ شهور معقوله هالمس ما طلع انا ما انكر كلامك اختي الكلمه الطيبه بس معقوله كلام الله والرقيه والرقاه لم يتاثر به المس ترا انا في بداية ازمتي كنت رافضه رفض تاااام اني اخذ علاج نفسي وجربت السبرالكس وزاد من حدة نوبة الهلع وتركته وزاد رفضي بل اخذت على نفسي حلف اني ما اخذ علاج نفسي ولكن انا سلميه طبيا وعلى شهادة الكم الهائل من الرقاه والمشايخ واهل دين وعلم ان ما فيني شي سليمه روحانيا والله يا كلمه الطبيه لو تدخلين غرفتي تقولين عطاره وانا الق لق اللللمع من زيوت تقولين مصنع زيت زيتون متحرك بس مقري فيه 😂

ما اعتقد بل واجزم ان ما فيه اقوى من كلام الله والحمدلله بعد معاناة المقاومه استخرت ربي وسبحان الي سخر لي الدكتور الصح والعلاج الاصح كمساعد فقط ومستمره على الرقيه ومتمسكه بالصبر والدعاء وكل عمل وقول يرضي رب العالمين الى ان يجي الفرج وفرج الله قريب