المشاركة الأصلية كتبت بواسطة زمالك يا حبي

مجرد ما تسمعي اي خبر عن وفاه شخص او مرض شخص تعرفيه تحسي بانتكاسه هذا صحيح ويحدث في الغالبيه العظمي في الكل

والسبب واضح هو اننا بنكون خايفين من الموت من شده الاعراض اللي بنعاني منها اللي بنشبهها باعراض موت وهي بعيده كل البعد عن الكلام ده باذن الله

لكن اللي بنحس بيه هو عمليه طبيعيه فسيولوجيه

نرجع للمشكله بتاعتنا وهي الهلع

نعالجه بالطرق الصحيحه

لأن الهلع مترابط مع الوسواس والقلق

بالتالي اثبتي زي ما انتي وسيبي الاعراض والاحاسيس تعمل فيكي كل حاجه وهتعدي

ساعه ساعتين تلاته نص ساعه ربع ساعه الاعراض هتاخد وقتها وهتعدي ومع الوقت ضربه فوق ضربه فوق ضربه الجسم هيتأقلم بشكل طبيعي جدا على الاعراض دي وتكرارها وتبقي سلكتي اول طريق الشفاء التام

وده برضه مع استعمال الدواء لاصلاح اللخبطه اللي حصلت

وبنفس الوقت استرخي قدر الامكان استرخي على قد ما تقدري بدون ضياع صلاه او اذكار او دوام

ولا تقلقي نهائيا

الهلع والقلق من الامراض التي اصبح الشفاء فيها متاح والادويه متوفر منها عشرات الانواع فلا تقلقي نهائيا