|
ماهي وظيفتك وهل المرض أثر على حياتك العمليه
مايخفى على اي منا هوتاثير المرض النفسي اللعين اي كان نوعه على حياه الانسان
حتى اسمه مرض نفسي!!! اسم قاسي ومؤلم واكرهه
المهم
هل المريض ممكن ينجز ويعطي بحياته العمليه رغم الم المرض ؟
انااحس المرض يقتل كل شي حتى القدره على العمل والانجاز يفتقدها الانسان مع المرض الا الي يداوم مغصووب ويعاني الامرين المرض والتعب والصمود امام الاكتئاب ومتطلبات العمل
اناعني ماااقدر وببدء بنفسي عندي كشك تجاري تعبت عليه كثير و كنت اداوم واتابع لكن الان سلمته تماما للموظفه ولاعد اتابع معاها ولاادري وش حاصل من وراي ارضى بالي تقوله لي وادري يصير سرقات من وراي وماهو غريب المال السايب يعلم السرقه وماشاءالله احسها مستانسه عالوضع اني تاركه لها الخيط والمخيط وكله بسبب المرض اللعين هدني وهد حيلي ومافيني اقوووم مافي رغبه ولاطاقه لي فتره على فراشي موقادره انجز شي
الي مثلي يعانون رغم اني احس احيانن ماحد مثل حالتي ابليس يوسوس لي ان مافي حد وصل مواصيلي بالاكتئاب لاني اهملت كل شي كل شي كل شي حرفيا شكلي اهملته وشغلي اهملته وديني واهملته والمشكله ماني قااادره
السؤال
هل انت/ي موظفه وماهو تاثير المرض على وظيفتك ومهنتك ايا كانت؟؟ لما تلاقي نفسك حبيس للفراش موقادر تسوي شي اوموقادره تسوين شي ووراك شغل وعمل وش تسوي/ن
|