المشاركة الأصلية كتبت بواسطة زمالك يا حبي

طبيعي جدا كل ما تسمعي خبر عن مرض فلان او موت فلان

يحصلك حاجه شبه الخضه كده

والاعراض اللي بتحصل وقتها تحسي فجأه بدقات قلب سريعه من الخوف

وكمان تحسي بشعور في الجسم ببروده او تحسي ان زي ما يكون روحك بتتسحب منك

لكن كل دي مجرد احاسيس فسيولوجيه فقط

مالهاش ادني ضرر عضوي على الجسم

مجرد لخبطه لا اكثر ولا اقل تحل بالعلاج

ولو سبتيها اهي تاخد وقتها وتروح

المشكله انك لما هي بتطول معاكي بتقولي هي مش بتروح ليه ولما بتلاقيها مش بتروح منك بتقومي تجري وتقولي ان فيكي حاجه او هيحصلك حاجه وده للاسف بيزودها

لأنها بتكون متواصله

الانسان بشكل طبيعي جدا بيتعرض للخوف والقلق والهلع ولكن بيزول ده الطبيعي لكن في حالتنا اننا بنلاقيه حاجه غريبه وعجيبه وبندقق في اعراضه لكن لو جينا للطبيعي فاللي بيحصل لينا طبيعي جدا جدا

فقط احنا اللي مهولين الامر وبنصر ان عندنا مشكله واحنا مفيش عندنا مشكله وكمان اعراضنا مش هتعمل لينا اي مشكله نهائي

فقط لخبطه بتزول بالعلاج والتجاهل والتحقير بدون ادني مشكلات