نفساني - عرض مشاركة واحدة

24-03-2019, 05:27 AM

صباح الخير على الجميع
هلا وغلا مبتلاه
ذكرتي شي بمشاركتك الاخيره عجبني جدا الكلام فيه والتعمق اكثر
اسمعي رأيي بما اني لي خبره في الدورات لسميه الناصر وصلاح الراشد وغيرهم كثير .
رأيي انه مافيه شي اسمه ديتوكس للجسم اللي اؤمن فيه هو السول ديتوكس تنظيف الروح كانت قناعتي قديما واكدها لي دكتور امريكي لما كان الوالد الله يرحمه بامريكا لسبب واحد بس ان الله سبحانه خلق الجسد كامل متكامل في وظائفه الحيويه وتنظيف اعضائه كعمليه روتينيه الجسم ينظف نفسه من كل الاخطار بدليل ان الجسم يحتوي على فضلات سامه وربي خلق عملية الاخراج وانتو بكرامه لتنظيف الجسد سواء بالامعاء او الكلى صحيح احيانا الجسم محتاج مساعده كدواء مثلا او ادوية امساك لكن الشي الاساسي للجسم هو تنظيف نفسه بنفسه ..
سميه الناصر وغيرها ناس اذكياء جدا وعرفو من اين يبتدون بالذات بالمرحله هذي لان الانسان يتعلق بالامل فما بالك اذا قلت انت تقدر تغير قدرك والعياذ بالله .
تنظيف الروح هو المهم والحقيقي تنظيف الروح من شوائب الذكريات والصدمات والاحداث اللي حصلت للانسان وهذي لها طرق علميه تفككها وتتلاشى .
ارجع للادويه واختلاف تأثيرها من شخص لشخص بكل بساطه ناس قضو من اعمارهم سنوات في دراسة النفس البشريه واختراع الادويه هل ياترى عشان بس يبيعون الوهم للناس ؟ طبعا لا احنا نشوف الحالات الصعبه فقط اللي على السطح لكن مانعرف عن حالات بالملايين تشافت وحالات عايشه اصلا مع ادويه نفسه من عشرات السنين .
قناعتي ان لو القدر حكم اني استخدم دواء طول عمري طالما بيريحني ويخليني اعيش حياة طبيعيه راح استخدمه واعيش .
انا ضد الدخول في متاهات الرقاة بين مس وسحر وعين .. الخ .
انا انسانه عمليه وعلميه وواحد زايد واحد يساوي ثنين الا اذا دخلت معجزات ربي بالحاله نفسها .
شفت حالات كثير دخلت بمتاهة الرقاة اكثر من عشرين سنه مابين زيوت وسدر وحلسات رقيه وكل مالها الحاله تتردى عرضوه اهله على طبيب نفسي بكم شهر تغير هالانسان ١٨٠ درجه وتزوج واستقر وصار عضو فعال بالمجتمع .
السؤال بس لو الانسان كان مقتنع انه ممسوس ومابقى راقي الا راح له وما استفاد شي هالانسان ماراح يدخله الشك بالذات الالهيه ؟ وشفنا خالات كثير اصابها اليأس والشك .
الله عطانا العلم والعلاج ليش نطول السالفه وهي قصيره .
رأي انه اول خطوه في العلاج الصحيح هو التشخيص الصحيح والطبيب الجيد المستمع للمريض وفهم حالته .
اتمنى قدرت اوصل الفكره مبتلاه لان الكلام في هالمواضيع طويل ومتشابك .
دمتي بود

صامدة رغم المحن معجب بهذا