المشاركة الأصلية كتبت بواسطة قطرات الندا

هلا مبتلاه
نصيحه لاتفكري بالماضي وتتسائلي ليه وليه خلاص قولي قدر الله وماشاء الله انا احمد ربي انه مو مرض خبيث يصيب احد اعضائي صحيح الاكتىاب شي صعب صعب صعب جدا والهلع اصعب لكن عندي اهون من الامراض المخيفه الله يشفينا ويشفيكم ويشفي كل روح تتألم يارب .
شعور الطيحه من مكان عالي هذا كان يخليني افر من مكاني ابي انحاش وين مدري شي مخيف ومزعج الله لايعيده يبدا بشي غريب كأن راسي فيه تيار كهربائي لثواني بعدها احس اني بطيح لكن الحمدلله هالشعور شبه اختفى .
اتوقع ان الاعراض هذي تمر علينا حتى بعد العلاج لان الجسم والافكار صارت حساسه جدا جدا وصرنا نراقب داخلنا كثير .. قالي الدكتور الانسان الطبيعي يراقب الخارج ٩٥ بالميه والداخل خمسه بالميه لكن المصابين بالهلع والقلق يراقبو الداخل ٩٥ بالميه والخارج فقط ٥ بالميه وهالشي صحيح لمسته بنفسي اكون جالسه بجمعه وسوالف والناس تضحك وتسولف وانا اهوجس ليه جتني نبضه براسي ليه رجلي نملت ليه صدعت ليه قلبي مقبوض .. الخ
فلاتخافي احنا صرنا حساسين هههههههه