نفساني - عرض مشاركة واحدة

03-04-2019, 07:30 PM

واهني الطير في الجو خفاق الجناح
في السما العالي يداعب نسانيس الهوا

قلبي اللي كل ما قلت هود و استراح
قام يقنب مثل ذيب على المرقب عوا

عيني اللي دمعها كل ما ونيت طاح
يخفي المشحون دمعه لكنه ما قوا

ساهر ليل العنا لين ينباج الصباح
مثل ما يسهر مريض قطع منه الدوا

يا محمد لا تقولون شي راح . راح
الهموم يجيبها الليل لا منه ضوى

قفت أيام التعاليل و أيام المزاح
و انقصر دلو المواصيل من عد الروى

ولي يا عصر التطور و عصر الإنفتاح
ولي يا قلب من الضيق و الهم انكوى

شانت نفوس من أول ضمايرها صحاح
كم حجاج كان يضحك تعقد و إلتوى

يالله إني طالبك راحتي و الإنشراح
تفرج هموم تهاوى على قلبي سوا

يالله لولا رحمتك كان قلت السد باح
يا ضميري من توكل على الله ما غوى

مد ربي يغني النفس عن مد الشحاح
ربي اللي فوق عرشه تعالى و استوى

كافل الأرزاق مجري ذعاذيع الرياح
عالم النيات و لكل عبد ما نوى

و اهني الطير في الجو خفاق الجناح
في السما العالي يداعب نسانيس الهوى

https://