المشاركة الأصلية كتبت بواسطة قطرات الندا

صامده الف سلامه على بنتك .
بقولك شي انا عندي صاحبتين هم اخوات كانو يعانون من الهلع الشديد من عام ٢٠٠٠ ابتدا معهم ورا بعض المهم الطبيب اعطاهم سيروكسات وقالهم اشوفكم بعد شهر تحسنو طبعا ولا راحو للطبيب ابدا بعد سنه وحده من تركت الدواء تقول ما احتاجه خلاص ومرت سنه اخرى والامور جيده بعدين جتها انتكاسه الى اليوم اتذكر حالتها ورجعت للطبيب وعطاها دواء ومرت السنين وتركت اختها الدواء بعد خمسه شهور فقط انتكست انتكاسه رهيبه كانت رايحه الرياض مع اهلها وجتها نوبة الهلع بالطريق وعند المحطه فتحت باب السياره وهربت تقول ما ادري اهرب من ايش طبعا بصحراء وفيه دوريات شرطه تقول اخوي يلحق وراي ويلبسني العبايه لانها تمشي وترمي عبايتها وملابسها تقول الدوريه يفكروني مدمنة مخدرات او معاي مخدرات مسكها اخوها وسمى عليها وركبوها السياره وصلت الرياض وعلى المستشفى اعطوها ابره مهدئه ورجعت تدور بنفس الدوامه ونست انها تركت العلاج وهذا السبب غالبا .
بعد سنه معاناه راجعت دكتور نفسي واعطاها دواء وتحسنت وبعد فتره تركت وبرضو جتها نوبه اخرى وهكذا الى العام الماضي غيرت دكتورها والدكتور الجديد قالها قبل كل شي ابغاك تعملين جلسات سلوكيه وتستمري على الدواء حتى لو تحسنتي مئه بالمئه وبالفعل من العام الماضي الى اليوم وهي باحسن حالاتها اشتغلت واختها فتحت مطعم وتقول ماراح اترك الدواء ابدا .
صامده احنا هنا نقرا عن الحالات اللي فشل معها الدواء او يعانون من اعراض جانبيه لكنهم معدودين على الاصابع لايتعدون المئه لكن العالم مليء بمرضى الهلع والاكتئاب اللي مع العلاج حالتهم ممتازه ومستمرين عليه .
انا هنا طبعا لا انصح بالاستمرار او الايقاف انا اتكلم عن رأيي الشخصي فقط .
اما ناحية غلاء الادويه لو فكرنا احيانا بنوعية مشترياتنا نلاقي اننا نشتري كماليات لسنا في حاجه لها بالتالي خلي الفلوس للعلاج هو اهم فقط الموضوع يحتاج اعادة ترتيب .
الله يرزقك الشفاء التام صامده وبنتك وكل مريض يارب