المشاركة الأصلية كتبت بواسطة قطرات الندا

هلا حبيبتي مبتلاه
لاتقلقي ابدا من العصبيه المؤقته يمكن شي طارئ يمكن تغيرات هرمونيه انثويه يمكن انتي قربتي على وقت الدوره الشهريه لاتنسين ان المصاب بالهلع يكون جدا حساس جسديا وعصبيا وحسيا عشان كذا اقولك لاتقلقي .
انا مرت فيني ايام من عصبيتي ممكن اضرب اللي قدامي وضغطي يرتفع كنت اعصب على اتفه شي الصوت كان يعصبني لو النبره مرتفعه الغباء يعصبني بالذات في الاماكن العامه لكنها عدت .
لاتاخذي دورات انتي طبيبة نفسك اعملي جلسات استرخاء وتأمل لو عشر دقايق باليوم تدربي على طريقة التنفس الصحيحه قبل تعصبين عدي الى العشرين واستحضري فكره انانيه وهي انا اهم شي بالوجود كلمي نفسك قبل النوبه العصبيه قولي اهدي يا ابتهال انتي اهم شي طنشي لاتحرقي دمك وقبل هذا قولي اعوذ بالله من الشيطان هي ثواني وتمر وترجعي تهداي .
تعرفين يوم كنت في سنك احس اني لازم امشي كلمتي بالطيب او بالقوه ويوم كبرت قلت ليه هذا كله اخسر اعصابي على شي تافه صرت ابرد من الثلج .
ما اتوقع الدواء يسبب عصبيه لكن انتي خلك انانيه في حب ذاتك وراح تشوفين بعد فتره انك تغيرتي وصرتي اهدأ .
زي ماقلت لك ركزي على التأمل والاسترخاء راح تتغيري وتشوفي ابتهال اخرى .
ابتهال نسيت نقطه مهمه جدا وهي العلاج بالتفريغ
كل يوم بمكان هادي جيبي ورقه وقلم واكتبي كل شي يخطر ببالك شين زين اكتبيه تبين تشتمين اشتمي تبين تكتبين الف صفحه او نص سطر مو مهم الهم انك تكتبين كل شي داخلك حلو او شين او شي معكر مزاجك او كلمه ضايقتك من اي احد اعترضي اصرخي بالورقه ولما تحسي انك ارتحتي واكتفيتي عيدي قراءة الورقه بصوت مسموع لك انتي بس وبعدين شققيها وارميها بالزباله وانتي بكرامه .
ملاحظه : لاتحاولي تصلحي اخطاء املائيه بالورقه ولا تحسني الحط خلي عقلك هو اللي يكتب وبس وبعد كم يوم علميني وش النتيجه