نفساني - عرض مشاركة واحدة

12-04-2019, 01:55 PM

السلام عليكم يا اصدقائي
عسا ان تكونو في احسن حال ..
بما انكم كنتو واقفين معاي بمشورتكم ومواساتكم
كان حقاً علي اني ابعث فيكم الامل وابشركم بتحسّن حالتي
..
انا الحمدلله في تحسن كبير يارب لك الحمد
والفضل لله ثم لكم ولدكتوري
زي ما كنت اقول لكم اني كنت متخوفه من اخذ حبوب الذهان
اخذتها لي 4 ايام والحمدلله تحسنت بنسبة 80٪ ماشاءالله
اللي هي اولانزاين و فافرين 200٪ ..
اللهم لك الحمد والشكر من قبل ومن بعد ..

حابه اقول لكم اني كنت يائسه من الحياه وقانطة من كل شيء
حتى الدعاء ما كان لي نفس ادعي
وقبل اسبوع اشتد علي الوسواس وسودت الدنيا بوجهي وكنت ادعي الله ياخذ روحي عاجلا غير اجل
وطول الوقت نايمه
فجتني فكره ليش ما اخذ حبوب الذهان اللي صرفلي الدكتور مسبقا ولم. استخدمها لخوفي منها
قلت دامها خربانه خربانه خليني ابلعها بس
والحمدلله اليوم هو رابع يوم استخدمها
لاحظت الحياه صارت هاديه بدون ازعاج الاقكار وتسلطها
واحس اني رايقه يارب لك الحمد
ملاحظة/ تجيني اوقات بسيطه يتسلط الوسواس علي لكن مو زي قبل دايم ومستمره

المهم موضوعي هذا عشان اعطيكم امل وانه فيه جانب حلوو مو كل مره نتشكى بدون ما نبشركم بالتحسن

اقول لاعضاء نفساني .. ان جتكم لحظات حلوه وتحسن بشرونا اعطونا امل في الحياه مو كل شوي نتشكى ونتذمر بس .. عطونا جانبكم الحلوو خلو عندنا امل انو بعد العسر والضيق فرج ويسر ..

اسال الله بكرمه ولطفه ورحمته وقدرته التي قدر بها على جميع خلقه
ان يفرج همكم وييسر امركم ويسعدكم ويرضا عنكم رضاً لا شقاء بعده اللهم امين .
صلو ع النبي ..

واحب اشكر الاعضاء :
رعد القلوب
ابو عبادي
الخزرجي
فاقد صبري
ندى الاوراق
وكل الاعضاء اللي افادوني بردودهم وواسوني بكلماتهم ..
وفيه اعضاء ما اتذكر اساميهم اسمحولي ..

أبو نجلا ,أبو عبادي معجبون بهذا

المصدر: نفساني