المشاركة الأصلية كتبت بواسطة محبة الرؤوف

السلام عليكم
كيفكم جميعا ...؟!
امممم ماادري وش اقول بس والله ودي اشوف رأيكم وهل اللي انا فيه يستاهل وهل انا فعلا مظلومه 💔😔
انا طبعا للي يعرفني جاني مرض الاكتئاب بعد الولاده من عام تقريبا ٢٠١٣ المهم استخدمت علاج ومازلت مستمره على العلاج ..القهر ان كان زوجي مشجعني اخذ العلاج بشده واخذته بعد تردد والحمدالله ولكن حملت مره ثانيه وولدت وجاتني انتكاسه وبعد هالانتكاسه زودت الجرعات و...الخ زوجي وقتها ماتحملني ابدا ورماني على اهلي رغم انها كان يحبني وكنت كل شيء بالنسبه له وفجأة بدون مقدمات هرب مني ورماني انا وعيالي على اهلي واختفى اشهر 💔😔كان فقط يحول مصروف الاولاد ولكن اشهر ماشفناه ولايرد علي ولا اتصال ولارساله وبالاخير وانا بعز مرضي اتفأجأة برساله الطلاق لااخوي 💔💔💔صدمه صدمه ماادري الاقاها من المرض ولا من الطلاق ولا من اطفالي اللي ماكملو حتى سنتين ولا من الخيانه ولا من الكذب وقسم بالله ياجماعه السالفه هذي من تقريبا ٢٠١٦ لكن كل مااقول بتجاوزها مااقدر لدرجة زدت بجرعه الدواء حسبي الله عليه بعد ماكنت بتركه بالتدريج .. والصدمه الكبره يوم زواجه طلق من هنا وخطب من هنا اه اه اه وربي الين اليوم ابغى استوعب عجزت كيف كذا انا يوم كنت بصحتي وعافيتي شايلني وحاطني فوق راسه ويموت بكل شيء فيني ومجرد ماتعبت خلاص شاتني انا واولاده وراح شاف حياته والقهر ولد عمي 💔💔💔💔اه وربي نفسي لو بس اسمع خبره بأي شيء يبرد قلبي ضيعني وضيع اولاده خلاص خلاني بمسمى مطلقه ومسؤوليه طفلين وهو راح وتزوج وعاش احلى حياه وسفريات ودلع طيب انا ام اولادك انا بنت عمك قلت له ايام العده رجعني على ذمتك وروح تزوج وربي حتى ماحبيت اظلمه قلت روح تزوج ماراح امنعك بس خليني بذمتك انا ام عيالك 💔💔💔💔بالله ياجماعه هل انا مكبره الموضوع ولا فعلا الموضوع كبير ويكسر الظهر💔💔💔💔😔والقهر لاجاء ياخذ عياله كل كم شهر يجي ويجيب زوجته معاه بالسياره ويأخذ عيالي من عند الباب ... اه ياقهري كيف اتحمل مين حرمه او انثى تتحمل هالمنظر 💔💔💔اقعد انهار بوسط اهلي كيف كنت الكل بالكل وفجأه خلاص جات وحدة واخذت بيتي وزوجي مااظلم بنت الناس وقسم بالله حتى ماعمري دعيت عليها بس فيني غببببببببنه ...اتمنى منكم تدعون لي بظهر الغيب ان الله يشفيني وينصرني ويعوضني خير انا وعيالي 💔💔💔😔