نفساني - عرض مشاركة واحدة

29-04-2019, 07:04 PM

السلام عليكم

مساكم الله بالخير يا الأعزاء على قلبي و الغالين

صراحة صفا الذهن و بديت أسترجع الماضي قهرا لا طلبا و و تقهرني و يصيبني ندم عليه يكدر البال و أنشغل عن هذا التفكير بالقراءة في كتب أختي لأن عندها مكتبة
الشيء الثاني إكتشفت إن فيني إضطرابات شخصية تزعجني كثيرا و معه يهبط المزاج و أتاوّه كثيرا و أتمنى الموت :(
الشيء الثالث ما زال تبلد المشاعر فيني
الشيء الرابع العقل مهنق للغاية
الشيء الخامس الأرق إستطال أمده و الجوع نسف بي و كلمت الدكتور و زاد لي جرعة اللارجكتيل 200

حقيقة كنت سادح بالبيت و أنطوي بغرفتي و شك أخوي اللي أكبر مني إني متعاطي أخوي ذا يدور لي الشر و الزلة
المهم خذاني لمستشفى الأمل و حللوا مني
ما طلع شي الحمدلله

هههه قالهم أخوي إني ما أجتمع مع أمي و أخواتي و أخواني دايم منعزل

الدكتور قال أخوك يبغاك تتنوم قالي وش تشوف أنت تبي تتنوم و الا لا
قلت إش هذي المهزلة و عصبت و قلت لا ما أبي أتنووم دام دمي نظيف الحمدلله و الله ينصرني من أخوي

تصدقون كل ما أمر بالشارع و أشوف واحد أظن فيه إنه ما يعاني باللي نعانيه أتمنى أذوب و أسيح ثم أتقمص فيه يعني تقولون مثل جني أتلبس فيه عشان أرتاح من التفكير و المصايب و الغثا

الله يعينا و يشفينا و يجبر خواطرنا يا رب

ثوب الشقا كنه مفصل و ملبوس
و الوقت ينحر كل فرصة ثمينة

رد الجميل بعالم العمر قاموس
لو حالت الأقدار بيني و بينه

يا طير أنا مثلك مقيد و محبوس
حبسي طويل و شفت منه الغبينة

يا طير حزني داخل القلب مغروس
حزني ليالي و موحشات سنينه

حفيت أقدامي بين ظلعان و طعوس
قدمه مواجع و المخاطر يمينه

واقع كئيب و عايش فيه جاسوس
و الحر ينهض ما لقى من يعينه

خذت بالدنيا تجارب و دروس
و أشرفت مرقاب الجروح الدفينه

يا رب
يا رب

راجع لكم بعد قليل

الله يشفيني و يشفيكم

إهداء

صامدة رغم المحن معجب بهذا