نفساني - عرض مشاركة واحدة

01-05-2019, 07:28 PM

يسعد مساكم بكل خير يا أغلى بشر

مستمتع بسواليفكم جدا

يا مرحبا و الله و مسهلا و مية هلا فيكم

البارح أكلت علاجي و أنسدح من الساعة 10 و أنا أتقلب على السرير ما جاني النوم و أطالع للجوال إلا الساعة 1 و عليها و قلت يا ربي وش ذا الأرق و أرجع آكل علاجي مرة ثانية ثم رحت المحطة و قعدت فيها لين الفجر ثم صليت ثم رجعت البيت و نمت لين العصر قبل شوي

صحيت و رحت لقهوة الطريق آخذ لي إسبريسو و كوكيز يمي يمي

الأرق مزعجني مرة و بقوة و الشيء الثاني الوحدة

وحدتي ما جت من فراغ
لأني قاعد أحلل نفسيتي أمس و أنا بالمحطة في سواد الليل البهيم و الناس رقود
و طلعت و الله مضطرب إضطراب شديد في الشخصية و غريب أطوار و هذولي الشيئين هم اللي خلوني منعزل عن من حولي
صحيح متعبة جدا الوحدة لكن لما يكون الحل هو تقبل الحالة راح ترتاح كثير و تنجز بأشياء ترضي نفسك فيها
صح لما تطلع و تناظر الناس مع بعضها سوالف و أخذ و عطى و شغل مع بعضها إلا أنت قابع في سجن الوحدة تجيك غصة قوية و تقول ليش أنا مو مثلهم و تتعب نفسيتك لكن عليك أن تعرف إن هذا إبتلاء و عليك إنك تصبر و تتقبل الحالة و تبشر بالأجر من الله الكريم العظيم
بالعربي صدمات الطفولة و المراهقة للحين مغروسة بعقلي الباطني و هي اللي ودتني للوحدة

أنا يوم ميلادي صدف مولد المأساة
كبرت و معي كبرت همومي و مأساتي
مواطن بلا موطن و لا لي وطن و إثبات
سوى إني بشر حساس و إحساسي إثباتي
!!!

هلا بك قطرات الندا
لبوة المنتدى هههه حطيتني أسد و أنا قطو .) الله يسعدك يالأميرة
بس تعالي أكتب السلبيات و الا الإيجابيات و الا كلها مع بعض و الا اللي شفته بيومي ما دريت و الله وش أكتب بس كتبت كل اللي أحس فيه و أجاوب عليه بعدين الشيء الثاني هل هذي الشغلة أسويها كل يوم في حياتي قبل النوم
الله يعيني أجيب لي درام كبير من العمل التخريبي للتشقيق و التمزيق للورق بعدين أحرقهم عشان ينحرق كل شيء سلبي فيني
الله يسعدك يا قطرات الندا

إبتهال عساك ما تذوقين ضيقة الخلق و يوسع صدرك و يشرح بالك و يسعدك

نجمة الفلك الغالية
بسألك أنتي بيحطون لك ركبة صناعية و بكم بتسوينها
سؤال ثاني هل الفخذ نحفت
سؤال ثالث ههه أعميتك بالأسئلة
لا بالله يا أختي طيب على حسب علمي إنك بالشرقية وش هو المستشفى إللي بسويلك العملية و من الدكتور لا يكون الدكتور عبدالله العثمان

الله يشفيك يا بنت الحلال و يقويك ما عليه و الله لو المشي يكون على عصا و على عرج الله لا يقوله المهم نمشي و ندوج

هلا بك ثم هلا بك يا محمد البدراني يسعد لي ربي ذا الوجه السمح
الله يعينك يا غالي و يونسك بأخواتك و يخليهم لك سعد و سند
و تلقى حل يا رب في القريب العاجل لمشكلة القرحة

هلا بك يالصامدة رغم المحن و يسعدك بأولادك و يجعلهم قرة عيون لك و لزوجك

هلا بك عبدو عمر هلا بك ماجد التميمي هلا بك الوردي و العميد

هلا بكم جميعا و يسعد ربي جميع أوقاتكم

الله يشفيكم و يجبركم و يقويكم و ينصركم و يسعدكم

صامدة رغم المحن معجب بهذا