المشاركة الأصلية كتبت بواسطة أبو نجلا

آه يا إبتهال سؤالك ذو شجون
ما شا الله عليك منتبهة و ذكية

المحطة ذي كان إسمها محطة الفيصل و تعتبر أول محطة على خط أبو حدرية و من وعيت على الدنيا و أنا أروح لها بحكم إنها قريبة من سطح القمر عفوا قصدي بحكم إنها قريبة من بيتنا
كنا نتجمع فيها نلعب فيها بقالتنا فيها مطعمنا فيها و نتمشكل مع راعي المحطة الشايب العود و يشتكينا عند أبوانا عشان ليش نلعب فيها

هذا لما كنت صغير

المحطة بعدين صاحبها مات و تولوها أولاده و صارت خرابة و إستلمها واحد حضرمي إستاجرها و ضبطها
فيها مطعم و كافتيريا و تموينات و ملحمة و مخبز و قهوة طريق و صرافة و مغسلة و حلاق

حقيقة تقولين سوق تجاري مو محطة

و الناس فيها مثل النحل
أقعد فيها و أطالع بالناس الرايح و الجاي و أهوجس فيها و أقضي معها وحدتي و أتابعكم منها

يعني مراسلكم عالي من المحطة .)

أنتي بشريني منك وش مسويه اليوم
الله يعينك برمضان طبخ و نفخ و غسيل

إبتهال أشوفك مرتاحة كثير مع السيروكسات إنتبهي من الدلخ الدكتور لا يغير لك العلاج أبد

الله يعينكم جميع و يسر قلوبكم و لا يورينا فيكم مكروه