نفساني - عرض مشاركة واحدة

04-05-2019, 04:47 AM

نفسي اصلي التراويح والقيام واعتكف بالمجسد قسم بالله ماعرف الراحة الا بالمسجد يارب يخف علي المرض لو بشهر رمضان اكتب والضيقة فيني الف !! المرض ذا انهى كل شيء جميل حتى رمضان معاد اشعر فيه زي اول !!
امس بالسوق كنت ابفصل ثياب جلسة نص ساعة بالسيارة اشوف الناس تضحك واللي معه زوجته ناس مبسوطة وسعيدة وانا اناضر العالم منصدم من نفسي معقولة انا كذا ماقدر اصير مثلهم !! وتجيك ذيك التنهيدة وفحة ضيم من حالي واخر شيء خليت السوق واقول لحالي انت محلك البيت وين تفصل وتلبس وتطلع من تروح له !؟ من يبيك اصلن انت غايب عن الناس من زمن !؟ ولو شريت كل شيء وين بتروح بتسافر ؟ لا . بتطلع زي اول ودور الناس ؟ لا . اهلك وقرايبك يعزمونك زي اول ؟ لا . طيب تفصل ثياب وتلبس من له ؟ زوجتك اهلك ناسك شلتك !! لا . انت ميت مافيك طب سنين وانت تعالج نفسك بكل شيء الشركات تصنع وبطني يفتت حبوبهم
اليوم جانا مطر الناس تطلع لضيفها والجو اللي يفتح النفس الا نفسي عطيت المطر والسحاب ضهري ودخلت غرفتي مستنكر الجو والفضاء ابكي على حالي ماتجي ليلة الا ابكي فيها تايه مستنكر كل شيء حتى الصلوات اعاني فيها كني داخل حرب جسمي معاد يشيلني شيبت بعز شبابي عمر ماوصل الثلاثين عاجز والشيبان عمارهم 90 و 100 ويسافرون ويطلعون وعند حلالهم وشايلن مسؤليتهم ومسؤلية غيرهم وانا ماقدر اشيل نفسي عن الارض والله ناسي متى جلسة فيها على كنبة او مجلس عربي او تكيت على جدار وسندت ضهري عليه حتى الشمس صارت تسبب لي اكتئاب احب الليل
والعصر اذا جاء كن مكتوب علي القصاص . بفراشي 24 ساعة مكفن ابطانيته لكن للحين ماندفن !!
يااااااااااااااااااااااااارب مافيني حيل ارحمني والله اتعذب

الوردي معجب بهذا

المصدر: نفساني