07-05-2019, 01:47 PM
|
#39357
|
|
عضـو مُـبـدع
ɴҽʋҽɾ ɢιʋҽ υρ
|
بيانات اضافيه [
+
]
|
|
رقم العضوية : 60186
|
|
تاريخ التسجيل : 04 2019
|
|
أخر زيارة : 08-12-2019 (02:31 AM)
|
|
المشاركات :
450 [
+
] |
|
التقييم : 10
|
|
الدولهـ
|
|
الجنس ~
|
|
|
لوني المفضل : Darkslateblue
|
|
أهلاً بكم أيها الرفآق
إنقضى أول يوم من أيام هذا الشهر الكريم
نسأل الله أن يتقبل منا ومنكم صآلح الأعمال
شفت نفسي فاضي , قلت خليني أسير على المنتدى وأشوف الأخبار ..
المزاج : رآيق
الحاله النفسيه : مستقره
أحس بإنهاك جسدي مع شوية خمول وتعب , مافي ضماً بس فيه جوع شديد !
العاده في مساء رمضان لازم الوالده تكلفني بمهمه
تجمع لي في كيس من هالمأكولات والعصائر وكل مالذ وطاب
وأروح ادور لي عمال بلديه أو عمال بناء , وأعطيهم
أسأل الله أن يجزي والدتي خير الجزاء
والله يجعله في ميزان حسناتها ..
المهم يا حبايبنا بالنسبه للفطور :
أنا الحقيقه أكلي محدود جداً ولي صحن مستقل <<< حسيت كإني خدامه 
طبعاً الخدم بشر زينا , وهذي من باب الدعابه ..
مع إن إحنا نأكل على سفره واحده , بس أنا أكل على طاوله خاصه <<< طبعاً VIP مين قدي 
لا الصرآحه جلسة الأرض ماحبها , متعبه لظهري وحتى وضعية التربيع هذي ماحبها , غير صحيه
طبعاً إحنا نفطر فطورين , أنا أسمع عن إلي يفطرون فطور واحد يجمعون كل الأكل بسفره واحده
هذولا بصراحه مآدري وش يحسون فيه !!!!
محتويات الفطور :
وجبة الفطور ( الشوط الأول ) : <<< صارت مبآراه
قارورة ماء , مع القليل من حبآت التمر , مع 1 زبادي ( أكتيفيا ) عشان الخمائر النافعه , عاد مكتوب عليه ماندري صدقهم من كذبهم ..
وجبة الفطور ( الشوط الثاني ) :
قارورة ماء , مع شوربة الشوفان بدون ملح , خبز ( بُر ) , مع 3 حبات سبموسه بالفرن ( دجاج ) , طبعاً اللحم ماعرفه نهائيا ولا أعترف فيه , والدجاج من فتره لفتره آكله بكميات قليله جداً , 2 زبآدي ( أكتيفيا ) , سلطه خضآر بدون ملح
اللقيمات قاطعتها من زمان يعني يمكن من 4 سنوات , مع إني كنت مدمن لقيمات , وكنت أحب أغمسها بالعسل آآخ شيء مو طبيعي !!
طبعاً أطالع أهلي وهم يأكلون وأشوف الوضع عادي يعني أحس شهيتي مو مفتوحه , وأعتقد عسر المزآج له علاقه بالموضوع ! لإن قبل كانت شهيتي مفتوحه ومع ذلك ماحاولت أخرب الدايت !
وجبة ( العشاء ) :
فواكه وخضآر مشكله من كل مالذ وطاب ..
وجبة ( السحور ) :
شوربة شوفان بدون ملح , خبز ( بُر ) , 2 زبآدي ( أكتيفيا ) ..
أنا عآرف إني متشدد حيل في نظام الأكل , بس أنا تعودت على هالنظام من 4 سنوات تقريباً , وعآيش مرتآح الحمدلله بدون مشآكل صحيه بإستثناء مشكلة البروستات !
مع إن قبل عسر المزآج :
كنت مقآطع أصناف كثيره من الأكل عشان مسآلة السكريات ! بس دخلتها في نظامي عشان مشكلة عسر المزاج , مثل التمر والموز هذي كانت في القائمه السوداء , وحالياً صارت في أول القائمه !
وسـلآمتكـم .. وأعتذر ع الإطآله
|
|
|
|