نفساني - عرض مشاركة واحدة

08-05-2019, 08:06 AM

هلا حبيبتي صامده
لا انا ما اقصد ان الضغط بسبب الادويه النفسيه اللي قصدته انه اذا كان كل التحاليل سليمه من كلى وغده ودهون معناها ان الضغط اللي معاك مصدره نفسي بالتالي شوفي الادويه النفسيه اذا كان يبيلها زيادة جرعه او تغيير نوع او شي .
السنه اللي فاتت كنت مابعد اخذ دواء نفسي ضغطي مو راضي ينزل مع اني اخذ دواء الضغط وعملت كل التحاليل سليمه بالاخر قالي الدكتور ضغطك بسبب القلق الحاد انصحك تبدأي بالدواء النفسي وتوكلت على الله واخذت برنتلكس ويااااارب لك الحمد والمنه كان احسن قرار تضبطت اشياء كثير بجسمي ماكنت اعرف انها نفسيه ولا كنت اصدق اصلا اولها الخفقان والدوخه وارتفاع الضغط اموري استقرت ماشاء الله لكن القلق يداهمني احيانا وعجزت القى له حل يمكن شخصيتي من النوع التوجسي الخواف لكن الحمد لله احسن من اول بكثير .
صامده البيئه لها تأثير كبير على نمط الحياه والصحه وايضا الزواج والابناء والمكان كلها لها دور كبير في الاستقرار النفسي او الاضطراب بقولك نصيحه خصصي وقت لنفسك فقط لنفسك انسي فيه كل شي خاطبي روحك حبي نفسك قبل الكل عشان تقدرين تعطين وتصيرين اقوى اذا داهمتك نوبة اكتئاب انسي كل من حولك وتذكري فقط صامده هي الأهم والاقوى ومارسي تمارين التنفس الصحيح وحاولي تلمسين شي بايدك وتتفحصين تفاصيله مثل ورقة شجر او حصاة هذي من طرق الهاء المخ وللعلم ان مجرد ماتوقفي المخ عن التفكير لمدة خمس دقائق فقط هذي علاج جدا رائع وفعال بس مشكلتنا مانقدر نوقف التفكير وزحمة الافكار بالمخ لو لخمس ثواني لكن مع التدريب على التنفس الصحيح والاسترخاء تلقائيا راح تشوفي نفسك تلجأي لهالتقنيه بكل بساطه وتترتب الافكار وتهدأ
اتمنى لك السعاده وراحة البال

صامدة رغم المحن معجب بهذا