نفساني - عرض مشاركة واحدة

10-05-2019, 06:18 AM

اقتباس:

المشاركة الأصلية كتبت بواسطة محمد البدراني

الف سلامة عليك وما تشوف شر

الكلسترول والدهون الثلاثية اتوقع ما احد سلم منها

بس انتبه لي انزيمات الكبد ليش مرتفعة وش نوع الدواء الى تاخذه

عموما لابد من دكتور حتى يصرف لك علاج وارجوك تشيك على الضغط والسكر

كله من الادوية وما تسببه من سمنة

اخوي محمد الله يسلمك يارب العلاج كنت اخذ برنتلكس وبعده سيبرالكس وبعده بروزاك اخذته قبل رمضان على شأن سد الشهية وانزال الوزن ماهو للاكتئاب لإنه معي خفيف جداً على الاكتئاب ولي شهرين رياضة يومياً ساعة ونصف ومع هاذا الجسم مليان دهون والكرش ومانزلت ، وزني مانزل الا اربعة كيلو لو ماتعبت نفسي احسن !!. الدكتور كان دكتور جلدية لحب الشباب والحين لازم اروح دكتور باطنية الله ي عين وش بيكون صار معي ثاني وحتى ادويتي النفسية اخذتها كلها برنتلكس وسيبرالكس وبروزاك وحطيتهم بكيسة ورميتهم بالزباله وانت بكرامه مدامها هي السبب كافي اللاكتئاب الحين حب شباب مزمن ولازم حبوب الروكتان وخطيرة جداً لكن هي الحل الاخير غير حبوب ثانية طالعة بجسمي كله مثل حب الشباب حمراء يقولها الدكتور حبيبات اظن كذا وسببها حشرات رغم البيت نضيف ومافيه حشرات واذا حشره موجوده الفليت موجود احسها عين او شيء خطير بجسمي والدهون الثلاثية والكسترول خطيرة على القلب والكلى والله ي عين
مع العلم اكلي من المطاعم حتى برمضان مسحوب علي من اهلي الحريم يجتمعون مع بعض ابيت العيله على قولت اخواناا السورين ويجلسون حتى شهور عادي والخدامه معهم وانا تروح فلوسي كلها بالمطاعم ونفسي اكل اكل صحي وضايع ياخوك من كل شيء انا والجدار واحد لا الجدار ارحم مني فيه طاقة كهرب انا مطقوق على خشمي من مرض وبهاذيل الدنيا وغثاها قمت افضفض عن نفسي هنا حتى لو كلام لكن يعلم الله اني ارتاح وانا اكتب لأن ماعندي لا صديق ولا ونيس ، والله اني اصلي ركعتين الثلث اللاخير من الليل الساعة 12:51 ص ادعي ربي يفكني من ذا العذاب وابكي والسجود ماقوم منه الا دمي كله براسي دعواتكم لي والله محتاج اي دعاء منكم وربي اتعذب اكتب وانا ابكي ومكسور شعور صعب جداً انك تعيش وحداني الا كتئاب شيبب فيني وانا عمري 29 راسي كله شيب
كنت اصبغ مابي الناس تشوفه والحين خليته ماعدت اقوى على الترميم !..
لي ثلاث ايام اروح لتراويح احط يديني على شان انهض وجنبي شيبان ماشاء الله عليهم اسرع مني من النهوض . واللي حولي يقلون ذا مريض مافيه خير مسكين ماهو رجال ولا هو كفو اهل ماترحم ولاقرايب تفكك من لسانها المسموم والجيران اذا طلعت يناظرون كني ارهابي او بياع مخدرات كيف طلع ذا كان مدفون بالبيت واسلم ولا يردون السلام أقسم بالله ابي انتحر الدنيا ذي مالي بها مجلاس يااااااااارب الخلاص سئمت من حياتي ...