نفساني - عرض مشاركة واحدة

15-05-2019, 02:19 AM

اقتباس:

المشاركة الأصلية كتبت بواسطة سَـن كَـولآ

أعتقد علاجك الوحيد إنك تجبر نفسك على الخروج من البيت ..

يمكن بسبب الفتره الطويله الي قضيتها وإنت تعاني من الرهاب .. وكنت حبيس المنزل ..

هي السبب الي فاقمت من حالة الرهاب عندك ..

دق الحديد وهو حآمي .. صدقني هي من أول مره .. ورح ترتاح بعدها ..

يعني صحيح ممكن السفره تكون متعبه بالنسبه لك .. وأكيد رح يحصل لك مواقف ومتاعب .. وهذا شيء طبيعي ..

لآكن رح تحسر بقيمة نفسك .. وإنك قدرت تسوي شيء .. ورح ترتفع ثقتك بنفسك ..

وكل شيء في البدايه صعب ..

بعدين إنت قاعد تستخدم أدويه نفسيه ! يعني إسمح لي أقولك .. الدواء النفسي هو الي رح يعطيك الأمان !

بس جرب تشيل الدواء .. مارح تقدر تطلع من حوش بيتكم !

بس بما إن الدواء ساعدك في إنك تختلط بالناس .. وتتوظف ! هذا شيء طيب !

مارح أقولك وقف الدواء .. بس صدقني رح تكون أسير لحبة دواء طول حياتك !

يعني مارح تقدر تروح ولا تجي إلا بحبة دواء !

المهم واضح إن الدواء عطاك دفعه للإمام , مو مشكله إستمر عليه .. بس لا تعتمد عليه إعتماد كلي ..

يعني كثر من المواجهات والروحات .. روح اطلع من البيت .. روح أماكن بعيده .. روح أي مكان يخطر على بالك!

عموماً أنا مثلك عندي رهآب ..

لآكن الرهآب الي عندي محدود وفي مواقف معينه ..

تصدق أنا في بدايه مشكلتي مع الرهاب .. كنت أسمع عن الي مايطلعون من البيت , ويخافون !

كنت أسمع عن الي عندهم خوف حتى من قيادة السياره .. نتيجة حادث مروري أثر على نفسياتهم !

كنت أخاف أصير مثلهم !

كنت والله الذي لا إله الإ هو .. أروح اماكن بعيده ويمكن مهجوره !

كل يوم أٌقرر أروح مكان بعيده .. وين الله أعلم .. المهم اطلع من البيت وبس !

أحياناً أتعمد أضيع نفسي ! وقتها أشوف وش رح يصير !

وأنا بالمناسبه أعشق السفر .. ومع ذلك مو صآحب سفريات ولا غيره .. يعني حدي البحرين , الكويت ! وقليل جداً !

وأكثر سفريآتي دآخل الممكله .. الشرقيه .. القصيم .. الجنوب !

وأعرف واحد من قرآيبي .. مشكلته قريبه من مشكلتك ..

بس هو منقطع عن المناسبات ومايروح لها نهائي ..

بس يروح ويطلع ويجي .. بس مستحيل يبتعد عن البيت مسافه طويله .. يقول ( أحس بخوف ) !

مشكلتك بسيطه .. علاجك إنك تواجه مخاوفك .. سافر .. وجرب السفر .. وجرب مشقة السفر !

أكيد رح تعاني مليون بالميه .. ورح تمر عليك صعوبات .. بس صدقني رح تحترم نفسك وتقدرها !

بعدين مو شرط تروح مع صديق .. حآول تعتمد على نفسك ..

يعني إسأل نفسك وش المخاوف الي ممكن تواجهك !

خايف مثلاً تضيع ؟

خايف مثلاً ماتعرف تتصرف أمام الناس , ويفكروك غبي ؟

خايف مثلاً تتفشل ؟

خايف مثلاً يحمر وجهك ؟

خايف من المسؤوليه ؟

أكيد فيه أشياء تمنعك من السفر !

عموماً ممكن في البدايه تسافر مع صديق لك !

وبعدين تعتمد على نفسك !

بس لو تسمع نصيحتي .. جرب وسافر لوحدك , وإقتحم عالم السفر ..

عاد إذا كان سفرتك لأوروبا أو أمريكا ! أو أي بلد أجنبي آخر !

الموضوع مختلف تماماً !!

والموضوع مربك نوعاً ما .. حتى للأشخاص الأسوياء !!

وسـلآمتكــ

أسأل الله لنا ولك الشفاء والعآفيه

اخي العزيز حالتك مشابهه لحد كبير لحالتي رهاب عند الاجتماعات العائليه والمناسبات
وباقي اموري طيبه الحمد لله
وشهو علاجك اللي تستعمله لاهنت