|
المشايخ - المعالج السلوكي قبل ان تنفق مالك لازم تعرف
أنا بستبعد موضوع المشايخ ده بالذات مش شاغلني ولا بهتم بيه اساسا لاسباب منها
اولا ان احنا مش كفار احنا والحمد لله مؤمنون
ثانيا لو الواحد فيه مس مش هيقدر يصلي اساسا او يقرأ قران واحنا الحمد لله بنصلي والامور طيبه
ثالثا فيهم تجار دين كتير فوق ما نتخيل وجلسات ومقابل مادي وقصص وروايات الواحد في غني عنها
رابعا اي واحد في المنزل ممكن يتوضأ ويقرأ الرقيه الشرعيه عليكم بدون مشكله
او نسمعها اونلاين او على الكمبيوتر فيه مليون وسيله انما موضوع المشايخ والاستشارات النفسيه ده أمر
لا أحبذه ولا أحبه ولا بهتم بيه لأننا مش كفار والحمد لله
الاهم هو الاستمرار على العلاج
هتلاقوا فترات تحسن رهيبه وهتلاقوا في وسط الهوجه دي شطحات بسيطه من الهلع لازم نتقبلها عادي جدا جدا
العلاج أولا مالوش اي ضرر نهائيا الا اذا تخطينا الجرعه القصوي من العلاج هنا الضرر بيكون واضح جدا ( متلازمه سيرتونين )
طالما في الرنج المحدد من الدواء اذن لا مشكله حتي لو تم استمراره سنين طويله
هذه الادويه اساسا مصنعه للتحمل على المدي الطويل ويتقبلها الجسم ( عدا المهدئات بأنواعها يجب أن يتم استخدامها فتره محدده فقط لا غير )
هذه الادويه تعالج الخلل الموجود في السيالات العصبيه وتعمل على اعاده التوازن في كيمياء النواقص العصبيه بالتالي دورها مهم جدا
أما الازمات والمصائب وغيرها تزيد من اللخبطه الكيميائيه في هذه النواقل بالتالي العلاج هو وسيله فعاله جدا للقضاء عليها
المعالج السلوكي ده واحد من الناس لا اتقبله اطلاقا في نوبات الهلع بالذات ممكن اتقبله في الامور الرهابيه او امور الاكتئاب لأن الاتنين دول بالذات الاعراض الاساسيه ليهم هي اعراض فكريه من الدرجه الاولي
الرهاب يتطلب مواجهه والمواجهه تتطلب يد للمساعده اما باقي الامور الفسيولوجيه فيتم حلها بالعلاج
وكذلك الاكتئاب الافكار الانتحاريه والافكار الغير سوية كلها اعراض تتطلب مواجهات فكريه بالدرجه الاولي ثم تليها الامور الفسيولوجيه من اعراض اذا صلح الفكر صلحت الاعراض الفسيولوجيه
اما نوبات الهلع فهي بالدرجه الاولي تأتي بأعراض من أول مره هذه الاعراض لا تساهم مطلقا في التركيز في اي امر فكري بل تزيد من اللخبطه الفكريه وتجعل الواحد فينا يوسوس بأمور رهيبه في جسمه وتزيد الحيره باستمرار
فاذا صلحت الاعراض الفسيولوجيه صلح الجسم كاملا وعاد الاتزان العقلي والعصبي للجسم بالتالي هنخرج من كم الاعراض دي فاهمين تماما ايه اللي بيدور حولها ونعرف هي ايه ونتعامل معاها مستقبلا حال حدوث اي انتكاسات او اي مشكلات لا قدر الله وقتها الوضع هيختلف تماما لأننا هنكون عرفنا المجهول وعرفنا ازاي نتعامل معاه ونطور اليات للتعامل معاه وقتها هيكون الامر سهل جدا وبسيط
الخلاصه لا تتركوا نفسكم لتجار الدين وتجار العلاج السلوكي لا تنفقوا اموالكم الا في مكانها الصحيح تماما لتحصلوا على النتيجه الصحيحه من العلاج
|