المشاركة الأصلية كتبت بواسطة الوردي

معناته فعلا مرضك عاطفي بالدرجه الاولى ، طيب ليش ما تجربين تروحين لمعالج سلوكي في مستشفى الامل ، المعالجين السلوكيين شغلتهم انهم يسمعون كثير بعكس الطبيب النفسي ، وبما انه مجانا فانصحك تروحين لمستشفى الامل ولو ما حسيتي براحه مع معالج او معالجه تقدرين تطلبين تغيير لمعالجين اخرين ، اتوقع لو وجدتي الاحتواء راح تتعافين حتى بدون اي دواء ، وطبعا حاولي يكون اكلك صحي قد ما تقدرين وابتعدي عن الكافيين والدهون ، واشربي الاعشاب اللي تساعد على التهدئه وتحسين المزاج مثل بابونج ، تيليو. ميرميه ، كراويه
وبالنسبه للإستحياء لا تستحين وماعليك من احد اكتبي وفضفضي ، كل العالم تكتب وتفضفض واصلا الموقع موجود للفضفضه ، افتحي لك مثلا موضوع في قسم الفضفضه اكتبي فيها عن كل شي يخطر على بالك وحتى لو كانت كلمه وحده حتى لو قرصتك ناموسه قولي الله ياخذ هالناموس هلكني : )
عادي اكتبي كل ما يدور في خُلدك
وما اوصيك بعد فضفضي لله وادعيه لانه هو اعلم بحالك مننا كلنا ، وباذن الله راح نشوفك تقفزين فرحا مثل هايدي وغنمتها يوكي وتعيشين في حياه مرحه مثل حياة اليس في بلاد العجائب : )
دونت قيف اب رنود ، بي سترونق

انتي قويه بالله وستكونين افضل باذن الله