نفساني - عرض مشاركة واحدة

25-05-2019, 12:20 AM

أهلاً وسهلاً بكم يا إخوآني الكرآم ..

كيفكم ! وكيف أجوآئكم !

عسى أموركم طيبه إن شآء الله !

حبيبنا أبو نجلا .. وش علومك يالغآلي .. !

عساك أفطرت زين .. وإن شاء الله النفسيه تمآم .. !

بعدين من كلآمك حسيت لك تجآرب عديده مع الكبتي !! ههههههه

معليش يعني لاحظت في كم واحد هنا .. بدأت مشاكله مع المرض النفسي , بسبب الحشيش ! بدون ذكر أسماء !

يعني مآدري وش أقول بصرآحه ..!!

أتوقع لو أنا دخلت في جو الأمراض النفسيه , بسبب هالخرآبيط !

كان أصبَح نفسي بكف , وأمسَي نفسي بكف ! من جد !

وأنا لا أتشمت والعيآذ بالله .. بس مصيبه من جد !

بس مآقول .. إلا الله يشفيكم ويعآفيكم ..

و ع العموم .. إلي فآت مآت .. وخلونا نركز في القآدم .. والقآدم أجمل بإذن الله ..

حبيبي أبو نجلا .. حكآية العمر .. ترى ماتهمني .. !

وإبشر ولآ يهمك .. ومن بآب التعاآرف ..

رع أعطيك نبذه مختصره عن هذا الكآئن الجميل , إلي إسمه سن كولآ

وبالمره رح أذكر بدآية مأساتي مع الرهاب والوسواس ..

معاك ثامر .. العمر 32 .. من العاصمه الحبيبه .. وفي روايه من ( الرياض ) ههههههه

لاكن الأصل من الجنوب .. يعني تقدر تقول ( جنوبي الأصل , نجدي المنشأ ) ..

يعني مولود بالرياض , والأسره كلها هنآ , بحكم عمل الوالد ..

والجنوب مآعرفها إلا بالإجازات ..

بدآية مأساتي :

الوسواس بدأ معآي في مرحلة الثآنويه .. والرهآب جاء بعده ..

الوسوآس متعب جداً .. لآكن تعآيشت معاه بشكل ممتآز .. ومأ أثر ع درآستي ..

بس الرهآب .. هو إلي لعب في حسبتي ..

المهم , كنت في إجآزه , عآيش حياه جميله .. لآ رهآب ولا وسوآس ..

وبلآ مبالغه .. كنت شخصيه متميز في شغلآت كثيره ..

خلصت الإجازه .. ورجعت للريآض .. وبدأت أروح للجامعه ..

كان تخصصي : أدب إنجليزي .. وأنا بالمناسبه من عشآق اللغه الإنجليزيه ..

المهم صار يجيني شعور خوف ورهبه من النآس والطلآب والمجتمع بشكل عآم ..

الشعور هذا جآني بشكل مفاجيء .. يعني ماقول تغير حآلي , وجاني الرهآب بعد موقف مؤثر أو موقف محرج ..

مثل المواقف الي تكون عادة هي الشراره الأولى , لإنطلاق الرهآب .. !

وأسرتنا ولله الحمد مستقره , ومتمآسكه .. والوالد إنسان متفهم ووآعي .. يعني الجو الأسري كان ولله الحمد ممتآز !

المهم مآدري وش إلي جآني .. عين , واحد حسدني .. الله أعلم ..

المهم , كنت أضغط ع نفسي .. عشآن أروح الجامعه وأكمل .. وما أتغيب عن المحآضرات ..

شوي شوي بدأت الأمور تصعب علي .. تعقدت الأمور ..

صآر البرزنتيشين بالنسبه لي شيء صعب ومستحيل .. !

بدأت أتغيب عن المحاضرات ..

يعني أطلع الفلف بالسياره وماروح الجامعه .. عشآن الأهل مايعرفون ..

خفت يجيني حرمآن ..

قلت خليني أتغدى بيهم قبل مايتعشو بيا هههههههههه ..

قلت خلآص , مافي إلا أسحب ملفي .. وأنتهي من هالكابوس ..

أخوياي بالجامعه .. يحاولون فيني .. ياخي حرآم عليك ..

النآس تأخذ أترام صيفيه .. وأنت تسحب ملفك !

وهم مو عآرفين ولا حآسين بإلي فيني !

المهم سحبنا الملف ..

طبعاً هذي كانت ثاني سنه بالجآمعه ..

كنت قبل مشآكل الرهآب .. كنت لآعب كمآل أجسام .. لآ يُشق له غبآر هههههه

بس مع بدآية الرهآب .. سحبت على النآدي ..

وقلبت الملحق عندنا لصآلة حديد ..

حطيت كل صور أصحاب العضلآت المفتوله .. أرنولد , روني كولمآن .. وغيرهم من لآعبي كمآل الأجسام ..

ولآزالت حتى الآن بقآيا الصور موجوده هههههه

وزي مانت شايف , الرهاب وعمآيله ..

والحمدلله ع كل حآل ..

حالياً متحسن كثير من نآحية الرهآب .. أصبح الرهآب محدود في موآقف معينه !

مع إني متأكد إني محسود مليون بالميه .. بس مآدري ليش حصل هالتحسن ..

والغريب إني ما أستمريت ع الرقيه الشرعيه !!

لاكن الحمدلله الذي لآ يُحمد على مكروه سواه !

إيه صح .. بالنسبه لإسم القطره ..

إسمها : VISMED ( مرطب للعين طويل الأمد ) ..

بس إذا فكرت تشتريها .. إشتري ( VISMED ( GEL .. هذي عبآره عن جل ..

وهي ممتآزه بصرآحه .. معقمه وخآليه من الموآد الحآفظه ..

يعني بمجرد مآتفتح العبوه .. تسكرها بإحكام .. ومآتلمس رأس العبوه .. ولو بالغلط لمست الرأس .. ترميها فوراً ..

سعرها بـ 73 ريـآل

أبو نجلا معجب بهذا