المشاركة الأصلية كتبت بواسطة أبو نجلا

يا حياك يا أم الزعفران السنع و العود الأزرق لبى روحك و الله يالنشميه
إرحبي و الله إن ترحبين يا إبتهال الله يطولي بعمرك يالغاليه

ههههه طالبه حرش بوجهك
أجل لو شفتي وجهي المقطع ثمان في ثمان وش بتقولين ههههههه
ما فيك حيلة و الله يا إبتهال

أبد و الله ويني بالغرفة صاك الباب علي و مطفي اللمبات و مشغل المكيف لا حنيس و لا ونيس إلا شوفتكم الغالية تسوق القلب و تسعده يشهد الله

أما الزواج و الله خليه يولي قلعته الله يقلعه
و يقلع كل متزوج هههههه مقهور و الله
آسف يالمتزوجين ما كان قصدي لكن إرحموا عزيز قوم ذل

دامني أعاني فعلا من ضغوط سلبيه على قولة الأخصائي النفسي فلا هناك أي سبيل للضغوط الإيجابيه !!

حسّااااااااس و إنجرحت أحاسيسي و ماللجروح من مداوي
عقب كل شيء ؟
صار اللي ما ودنا فيه !!
صار اللي ما ودنا فيه !!



رغم ذلك الحمدلله على كل حال


إيه إبتهال و الله آلمني و حزنت على موتة دانة القحطاني
كنت أتابع غناتي أختها زمان و جاني خبر إن أختها ماتت الله يرحمها طير من طيور الجنة و و يجعلها شفيعة لأهلها و يصبر أهلها
و يحفظ أخواتها الثنتين
خصوصا سالفتها الأخيرة مع أبوها مؤثرة و حزينه

إلا أنتي إبتهال وش مسويه بهالدنيا !!
و كيف نفسيتك و الهلع و السيروكسات الله يشفيك و يقويك يالغاليه
و بعد كيف أخوك المريض الله يشفيه يا رب و يشفي كل روح متألمة

أنا أدوية الذهان صراحة تخلي مخي مقفل باليآلله أسولف و أكتب كلمتين على بعض بس يلا يالله إنك تعين



هلا الجنرال
يا بعد راسي أنت
و نصيحتك ع العين و الراس

أبد يا محمد هذا اللي صاير و الله ما بحثت عن فراغ إلا عن شيء أشوفه جد

ما شا الله عليك يا محمد
خوتنا سنين و ما لقيتك و لا مرة وحدة و لو زلة تلقي اللوم على ربك أستغفر الله أو تتلفظ بصريح العبارة عن الإلحاد و الكفر
هذا يدل على قوة عقيدتك ما شا الله تبارك الله هنيئا لك و الله هذا الثبات
نسأل الله الثبات بالقول الثابت في الحياة الدنيا و الآخرة



ههههههههه أمزمزه مزمزه :) الله يسعدك سن كولا
براحتك يالغالي

أنا أشوف العمر من يقول الواحد عن عمره شيء عادي جدا
أنا ما تفرق معي صغير و الا كبير المهم الشخص أرتاح له فقط



محتريك على أحر من الجمر يا محمد الله يسعدك
وافي يالغالي و الله يشفينا جميع

و الله الغثيان و الإستفراغ علة أقسم بالله
يا رب تجربتك تنفع يا رب و تبشرنا بالنتيجة الحلوة
يا رب حلها من عندك !!





الله يسلمك سن كولا
المحطة على أبو حدرية محطة توها فاتحة مالها إلا سنة و عليها
الله يعينك أثرك مثلي بجفاف العين أنا حاط لي موضوع عن عيني و الأخوان ما قصروا بالجواب
وش إسم قطرتك

إبشر ما راح أقطعكم بإذن الله
الله لا يخلينا من بعضنا



تسلم حبيبي محمد
الله يعين على المزاج

أنا أميل لرأي دكتور الأمل دام عندك هوس فهو عبارة عن ثنائي قطب ذهاني
الفصام ما يجي معه هوس
هذا رايي

ما أقدر أوقف علاجين الذهان أبد ما قدرت و الله مع إنه يخليني زي الأبله يقفل مخي عن التفكير
قالوا وش حدك ع المر قال إللي أمر منه




هلا بك مية هلا و زود يا مرحبا بخالد
الله يعينك يا خالد
حاس بمعاناتك الله يشفيك و يقويك
الوحدة أظن ما في مريض نفسي إلا و الوحدة راغمته بالنكوف عن الإجتماعات الإنسية
حتى الهوايات ما عاد لها طعم يا خالد
كل شيء رمادي

ما نقول إلا الله يفرجها علي و عليك و ع الجميع و يبشرنا بالبشاير و من نحب



مساء النور

تسلمين يا الصامدة

نمت الفجر و الله و تحلمت بحلم غريب ههه و صحيت الظهر أروح دورة المياه و رجعت نمت و تحلمت حلم ثاني بعد هو غريب
جاب أخوي الكبير فول من الفوال و تميس و أفطرنا عليه ههههه غريب الفطور صح طبعا بعد التمر و القشطة
بعدها تعشينا على كبسة لحم يحبه قلبك يمي يمي
المزاج و الله ما أقدر أوصفه شيء غريب و الله هو حزين طبعا و الألوان باهته و متى على الله تزين
و قاعد أتسمع ريمكس شعبي على معزوفة تركية حزينة :)
الحمدلله على كل شيء




شوفي صامدة طبعا هذي أثار جانبيه
بعد أقولك شيء إذا شفتي حالك طيب بعد تركك الزنكس أتركيه للأبد
و إذا لا فارجعي له نصيحة

و أدعي ربي إنك ما تحتاجينه و يبقيك صامدة في كل شؤونك و يشفيك و يقويك



و الله ما أدري وش أقول يا صامدة غير ربي يكون بعونك





فلها يا رجل ههههههههه

هاه كيف جوها إن شاء الله في العلالي :)

يا كافي

أقول سلطان الغالي لا تدعث بروحك
أنصحك سلطان و الله يالمخدر دمار أقسم بالله
أنا قبل كم يوم بغيت أزرق لواحد بياع أعرفه و قفلت معي قلت لنفسي خلاص أبي لي كم حبة ( كبتي ) و خابر إن الحبوب عنده حلوات لكن تصبرت و هداني الله قعدت مع نفسي و شفت إني ما راح أستفيد أبد كلها كم يوم أستانس و بعدها بآكلها تبن
فأنصحك نصيحة و الله يالمخدرات دمار أخلاق دمار للغيرة دمار للمزاج دمار للنفسية دمار للذاكرة الزبدة دمار للعقل و بكل شيء و بعدها تقول ياليتني و ياليت بعد ويش
إصبر و أنا أخوك و الله إني متحسف على كل حبة أكلتها بالماضي و على كل كمخة كمختها من الحشيش
نعم يجيني شوق حتى الحين أتمنى إن اللي بفمي حشيش مو دخان بس الله يلعنها تدخلك جو لحظي و بعدها يا ويلك

سلطان و الله عارف حالتك صعبة بس تكفى و أنا أخوك تعوذ من إبليس و كبها و الله ما منها خير


الله يحفظك الله يحفظك الله يحفظك و لا يوريك مكروه و يشفيك و يقويك و ينصرك على المرض و نفسك

طيب أشوفك تمدح البرنتلكس بس عشان السمنه تركته ؟!
لا أبوها يا سلطان النحافة خلها تولي
أهم شي العافية و الله يا سطلان ما أدري كل ما كتبت سلطان أكتب سطلان مرتين كتبتها لا شعوريا ههههه
الله يسعدك يالغالي