نفساني - عرض مشاركة واحدة

26-05-2019, 10:32 AM

مرحبا .. عساكم طيبين

اقولكم يا جماعة خله الوسواس يولي ويذلف شوي عن راسنا لانه هذه ايّام فضيلة وفِي عتق للنيران واستجابه للدعوات ورحمات .. ابدا مش وقته والحقير يحاول يزيد هالفترة عشان قرب العيد !! لكن هيهات أيها الحقير

قمت لما اقول أذكار الصباح اركز فالتسبيح كثير وسبحان الله ينجلي الوسواس شيئا فشئيا بس الحقير يرجع يقولي ليش اتسبحين هالكثر هههههههه يعني اشق راسي مثلا بس أتجاهل واكمل

وخاصه لاإله إلا الله وحده لا شريك له ، له الملك وله الحمد وهو على كل شيء قدير

اتريح جدا سبحان الله

واليوم الفجر حلمت حلم اشكره واضحه جدا من عمل الشيطان يخوفني واكتشفت انه الشيطان الابو كلبي يطلع دايما فالحلم بصورة اخوي اتخيلو ، ! لانه هذه مب طبيعة اخوي اخوي مش خبيث ويخوفني .. بس اتجاهلت الحلم تماما لانه بو كفو خله يصير حقيقه اذا هو ريال 😂

وشاله هم وساكته والله ومتصبره ..

حتى وأنا أقيم الليل البارحه سوالي حركة الدراما اللي النفس ينقطع .. حركات مسلسل جرح الزمن .. قلت بكمل صلاتي لانه خلاص يعني بس العشر الاواخر عيب يعني يكفي اني ما رحت المسجد

اتخيلو اتسلفت من فتره درهم يعني ريال واحد من بنت خالتي هههه ما كان عندي فكة وكله اقول لازم ارجعلها قبل لا يصير علي شي ههههه وفنفس الوقت خايفه إرجعلها أتكون هاي علامه اتخيلي الفلم هذا كله على مبلغ درهم واحد ..

رحت عطيتها قتلها منى ترى انتي اطالبيني درهم شافتني جي 😳😳 قالت حجر مب لهالدرجة !! وبعدين قالت ليش يالسه اتصفين حسابج ع درهم !! والوسواس شغال !!!

يعني يا جماعة بصراحه أليست هذه سخافه !! سخافه خلاص سخافه جد الموضوع دمه ثقيل

تقهويتك مواجع معجب بهذا