المشاركة الأصلية كتبت بواسطة أبو نجلا

هلا ب ثامر الغالي مية هلا و زود

إي خلك كذا يا حبني لك

ما فيها شي أبد إظهار العمر

مع إني قلت إن عمرك مثل ما قال الجنرال بالعشرينات

أنا عمري بالقمري

: 36 سنة و 6 شهر و 6 يوم

و بالشمسي

: 35 سنة و 05 شهر و 6 يوم

هههههه تصدق عاد أمس قريت مشاركتك ذي مرتين و قريتها الحين ما مليت منها
ما شا الله تبارك الله عيني عليك باردة
يا هنانا و الله و يا سعدنا بخوتك

طيب يعني الحين تخرجت و الا عادك طالب ؟

أسأل الله إنك تلقى الوظيفة اللي تتمناها و تكون لك فاتحة خير و باب رزق عظيم و وفير

الله يسعدك يا ثامر

لا و الله أمس ما دسمت شاربي بالفطور و كانت حالتي حالة خلها على ربك
هم ما صحوني للفطور أصلا عيال اللذينا أنا صحيت من نفسي العشاء

من قريت رحلتك مع الجامعة تذكرت رحلتي أنا بالجامعة و تألمت و الله
أخوياي بهذاك الوقت كلهم متوظفين الحين يا إما مدرسين يا إما كتاب عدل و ضبط يا إما ضباط ملازمين يا إما يا إما
و أنا عاطل تخيل بكالوريا و آخرتها أشتغل سواق باص ثلاث سنين على راتب ما يوكل يهودي
و الكل مستغرب و لا غرابة !!

بس الحمدلله على كل حال

و أحييك على صمودك و تخطيك للوسواس القهري و الرهاب و الله يقويك و لا يوريك مكروه
هذا إن دل دل على نباهتك و حصافتك و معرفة للدرب اللي فيه مصلحة نفسك

أشكرك ع القطرة
بس بأنشدك أنت رحت لطبيب عيون ؟
طيب وش قالك وش سوالك من فحوصات ؟

هههههه ذكرتني بأخوي اللي أكبر مني بسنة قالب الغرفة اللي بالسطح صالة أثقال بس هون منها الحين بحكم الزواج و الوظيفة و العيال
عساك ع القوة يا ثامر دايم الدوم