نفساني - عرض مشاركة واحدة

09-06-2019, 08:14 AM

انا اعاني من نقطة تصديقه يعني قاعدة أصدق اوسواس ؟ ليش لاني استرسلت مع الافكار + عطيت وجه للمشاعر يعني مشاعر الخوف والقلق والحزن والتحديد الخوف هذه غذاء للوسواس ..
يعني انتي اذا وصلتي لقناعة إن هذا كذب فأنت متقدمة في العلاج .. نعم صدق او لا تصدق ... أول نقطة نقول هذا وسواس النقطة الثانية نقول هذا لست أنا هذا الوسواس ( الكذاب ) يعني انتي في الخطوة الثانية من العلاج .. والخطوة الثالثة التركيز في شي اخر وهكذا

واعرف كلامج زين إن اللي يخرب الموضوع هو الخوف .. بس طبيعي إنتي لج فترة طويلة موسوسة هذا الخوف طبيعي يكون موجود .. باختصار دعيه وشأنه .. يعني خلي الخوف مكانه بس لا تزيدينه ولا تهيجينه قولي ايواا جاني الخوف والمشاعر الوسواسية والحين بسم الله نشغل نفسنا في شي ثاني وحاولي تكونين هاديه والخوف بيكون موجود لكن بيبدأ يقل يقل يقل لين يتلاشى لأنج مش قاعدة تنغلقين أول ما يجي .. يعني التصرف الخاطئ مع الخوف هو الانغلاق ورفض كل شي والهروب هذا يزيد الخوف ويمكن يخلي عقلج يرجع ( يصدق الافكار الوسواسية ) مره ثانيه يعني نرجع للصفر

فبما إنج عارفة انه كذب .. وبس في شعور خوف .. عادي هذا طبيعي خلي الخوف مكانه لا تزيدينه ولا تتهربين منه ولا تكرهينه خليه .. قولي أنا متقبلة اني خايفة الحين واشغلي نفسك بشي ثاني تماما معليش نعرف صعب بس هذا الحل

انا مشكلتي اني بعدني مش قادرة اتخلص من فكرة انه هذا وسواس كاذب فلما يجيني الخوف يجيني ع أقوى والوسواس يتغذى من خوفي هذا لاني انغلق واطيح في نوبات .. فنصيحة لا ترجعين خطوات للوراء اذا وصلتي لمرحلة انك تعرفين انه كذب وهو كذب على فكرة كذذذذب فمعناته انتي تتقدمين في العلاج
والوسواس مثل الطقل أول ما يحصل انه الشخص يبدا يفهمه يبدا يستخدم المشاعر يزيد الخوف عشان يبغي اهتمام .. فلا تهتمين لهذا الخوف اعتبريه ضيف ثقيل .. بيجلس وبعدين بيروح