نفساني - عرض مشاركة واحدة - :-[ هطول الثلج على وهج النيران ]-:

12-06-2019, 05:52 AM

ذنبي أني رجل
ذنبي أني رجل
ذنبي أني رجل

رجل في مسخ جني

ثنتين من أخواتي عطوني زكاة أمس كل وحدة منهم سلمتني ظرف و قالوا هذي زكاتك يا عالي

ما أدري وش أقول وش أخلي
تضاربت فيني المشاعر أبكي فرح و الا حزن
حسبي الله و نعم الوكيل بس
حسبي الله و نعم الوكيل بس

أقسم بجلال الله تمنيت إني ميت و لا أكون بهذا الحال

يا زمان الجور وش باقي بعد
يا حياة الذل وش فيكي علي

كانوا أخواني بأمر من أبي يعطوني زكوات و قطعوها عني و أخواتي الثنتين ذولي منهم وحدة حنونة علي و يا كم بكيت عندها و تصبرني رغم إنهم متزوجات و عندهم عيال و موظفات كلهم مدرسات

ما أدري أطاوع من و أعصى على من
أصبحت ما أخذت القرار النهائي

متحيرٍ ما بين ما أبدي و ما أكنّ
كني مصدق شي و مكذبٍ شي

و اللي نبي ما هو على ما يبنهن
و أقول ما هي هي لو إنها هي

ما غير أعيد الذاكرة و أتفطن
في حاضري و اللي فعلته بماضي

ليا عاد ما بي ما يقولن الالسن
ما ادري مثورة الفتن وش تبي بي

كلامهم خلى ضلوعي يلجن
لجة مخاليلٍ لواها العطش لي

وردن على عدٍّ به العام شربن
يبست رواته ما بها ريحة المي

ما غير هوّ من الموارد يخبرن
وتحارجن فوقه على حاجر الطي

ومن غربة الحاصل عظامي تثننّ
عجزن يشدني عن الارض رجلي

مالي سوى صبرٍ على سالفة هن
لونها تجرح وتذبح وتكوي

على العموم بيض الله وجيهكم يا أخواتي الثنتين و الله لا يخليني منكم و يسعدكم ببعولتكم و يسعدهم بكم و يصلح لكم ذراريكم و يجعلهم قرة لعيونكم