نفساني - عرض مشاركة واحدة - :-[ هطول الثلج على وهج النيران ]-:

12-06-2019, 02:50 PM

اقتباس:

المشاركة الأصلية كتبت بواسطة مبتلاه بالهلع

يا افا ذا العلم انا غلطت عليك اتمنى انك ترجع مره ثانيه لمتلقى البدراني وتتدرج في قرأة التعليقات وتشوف وتحكم من غلط على ثاني هذا واحد
٢ انا كتلة احساس يمشي على الأرض ولا ما تعبت واخذت علاج نفسي كيف تقول عني ما احس
٣ مستحيل ومن سابع المستحيلات اني غلطت على اي احد فالمنتدى لاني لا اعرفكم ولا تعرفوني ولا تربطني فيكم اي صله اللهم نتشارك بتجاربنا و معاناتنا لأننا نشتكي من نفس الم و الابتلاء وعلى قولتهم نعين ونعاون هذا المقصود بعالم الافتراضي يعني لا تأخذ الأمور بجديه مره مره
٤ وانا أكن لك كل الاحترام وتقدير مثل ما تعتبرني اختك فاطمه انا اعتبرك اخ وعزيز وغالي وترا انا منصدمه منك والله لو ترجع وتقرا التعليقات بتشوف مين غلط على الثاني تراك تذب وانا افهمها بس عادي ما زعلت بس اردها لك على قد ما تذب لا زياده ولا نقصان
وعلى طاري بلى بشكلها يا اخي المقصود منه اني حبيت هالكلمه منك وما تدري قد ايش تضحكني هالكلمه اذا قلتها والله صرت اقولها يعني اثرت فيني

هلا إبتهال حياك ربي و يسعد الله جميع أوقاتك

الصراحة راحة تمام
أولا بأتكلم كلام مصارحة معك و بعدين نقفله و نميحه عن بكرة أبيه و نبدا صفحة بيضاء جديدة و هذا الأهم لاحظي هذا الأهم من الكلام اللي بقوله بالأسفل يعني من الحين و رايح حنا أصحاب و أحلى من العسل و أبيض من اللبن :)

أولا حلو إنك صارحتيني و هذا يدل على إنك تريدين تسميح الأمور لكن كانت مصارحتك باللي تشوفينه أنتي من منظورك و رؤياك للأمر اللي حصل بيني و بينك

أبدا و مثل ما قلت مو مهم اللي بقوله تحت :
التعليقات اللي دارت بيني و بينك خلاصتها من بدا بالهوشة و البادي أظلم
تقولين ما تزعلين طيب ليش تهاوشين
الهواش مو زعل
لا تقولين لي إرجع للتعليقات
لا أنا ما أريد أبدا أذكر التعليقات و هذا تطييب لخاطرك
و ما أدري يمكن تقولين لا هذا تهرب و تظنين عشان أحكم لنفسي عليك طيب ماشي راح أذكر الجمل اللي قلتيها
على فكرة أول فتيل كان هو ردك على الصامدة بكلام اللي فهمته منك : ( ما أسمح لك و دايما تعليقاتك سيئة ... ) بعدين بعد أيام بينتي إن ردك مو اللي تريدينه و إنا حنا فهمناه غلط و قمتي تصححين في التعليق و المغزى منه . هذا إن دل يدل على تسرعك في الرد و عدم أخذ الإعتبار / مصير الرد وش بيكون مردوده عليك من اللي نفهمه حنا منك و إتضح لي إنك تبين شي في خاطرك و يخونك الرد بس ما شا الله عليك عجلة و على نار بسم الله عليك
بعدين أنا وش قلت لك لما رديتي على صامدة و الحق ينقال أقول إن صامدة غلبتني كثير برحابة صدرها عليك و ما هي بمستغرب منها هذا الشيء فهي تملك أجمل الأخلاق بعكسي تماما

أما أنا يالهبلة :) وش قلت لك لما علقتي على الصامدة ؟ تعليق فيه ترجي و تعتذرين من صامدة بس هذا و جبت إسمك و تخلقت لك فيه بأوصاف حلوة مثل يأختي الغالية إبتهال ، التعليق ما فيه هواش أبد و قمتي نثرتي المواعين و كبيتي الغدا و كسّرتي و خربتي . هذا تعليقك ( حلاة و الله من حشرك بزاوية و يهبدك بالعجرة و ما أدري إيش ، عشان ما تسيء الفهم يا فهيم و يا زينك ساكت و قمتي تقولين كم خذيت و أنت تكتب المشاركة !! ) يعني ما جبتي إسمي و لا تخلقتي بما تخلقت لك !! عجيب و تتشمتين فيني :(

المهم ما رديت عليك أبدا خليتها على وجهها و خذيتها بخاطري ما حبيت أرد الهواش بهواش من باب من و الكاظمين الغيظ و العافين عن الناس عساني و عساك نكون منهم
صحيح أقولك الصراحة ما عفيت عنك بس كظمت غيظي و خليتها على وجهها و صرت أتحاشاك عشان ما تصطدمين معي لأن تالي الوقت حصلت لي مشاكل نفسية أشنع من قبل و قلت اللي فيني مكفيني و العفو من شيم الكرام . تدرين يا إبتهال قبل ما خليت حال في شانه كنت مثلك بالضبط لكنهم و الله حلوين يسامحون الله لا يخليني لا منك و لا منهم

إبتهال يأختي الله يسعدك راحت أيامي مع السهالات و جاني الصمرقع أقسم بالله ما عاد أتحمل شيء و تجيبيني بالهداوة و الكلام الهادي و الحلو أكون تمام التمام و ما عليك من اليوم و رايح أنا و إياك أخويا ما للخوي إلا يسد عن خويه و كأني فهمت شيء من شخصيتك و ردودك أنتي قلبك أبيض من الشاش بس حرارة المكينة هي اللي جابت العيد هههههه

:: بس أنا حزين إن في ناس ما تقدر التغييرات اللي تطرى على المريض و كأن الأمر (( جايين يلعبون و يسلون أنفسهم و لما جتنا الحوادث تخلوا عنا )) و أقول لهم : زمن غريب وكل مابه في نظر عيني غريب *** الناس بارت والنوايا سود والناتج عجيب . صدق خوة مصالح الله يسامحهم و يهديهم ::

رأيت الناس قد ذهبوا إلى من عنده ذهب
و من لا عنده ذهب ف عنه الناس قد ذهبوا
رأيت الناس قد مالوا ... التكملة بعدين في الحلقة الجاية

خشمك
فديت ذا الخشم :)

اقتباس:

وانا أكن لك كل الاحترام وتقدير مثل ما تعتبرني اختك فاطمه انا اعتبرك اخ وعزيز وغالي

تسلمين ربي يبارك بعمرك و لا هنتي على كل حال و ما حصل قصور يالغالية و من الحين و رايح أنتي من الغالين العزاز

اقتباس:

وعلى طاري بلى بشكلها يا اخي المقصود منه اني حبيت هالكلمه منك وما تدري قد ايش تضحكني هالكلمه اذا قلتها والله صرت اقولها يعني اثرت فيني

يا بعد عمري يا إبتهال سامحيني سامحيني و عسا الضحكة و الفرح و البهجة دوم يا رب على محياك ما تفارقك لحظة
الله يشفيك و يقويك

و أفرحتيني بمصارحتك كثير كثير الله لا يفرقنا و جعل الحسود بعينه العود