المشاركة الأصلية كتبت بواسطة قطرات الندا

اهلين نوفيه
سلامتك ماتشوفين شر
انا مالي تجربه طويله مع الاكتئاب والقلق انا اعتبر جديدة عهد بالامراض النفسيه والادويه لكن بقولك تجربتي لعل وعسى تنفع .
ابتدأ معاي الهلع من سنتين وعالجت علاج سلوكي تحسن الهلع لكن جاني اكتئاب واهراض جسديه مثل الدوخه والقلق واستخرت واخذت دواء نفسي اللي هو برنتلكس في بداية علاجي طبعا عاميت من اعراض جانبيه لكن تحسنت مع الوقت ولكني لم اشعر بالتحسن الكامل الا بعد مرور سنه كانت تجيني نوبات الدوخه والاكتئاب ونوبات قلق حاده لأي سبب تافه لكني اتجاوزها لأن دكتوري قالي لاتخافين من اي اعراض لأن الحالات النفسيه لها ذيول وبقايا طنشيها وبالفعل طنشت ووصلت لتحسن مرضي لي الحمدلله .
اسبوعين او شهرين غير كافيه اتوقع للبرنتلكس استمري وراح تكونين افضل ان شاء الله .
ملاحظه : الامراض النفسيه لاينفع معها الدواء وحده لازم جلسات سلوكيه وجلسات استرخاء وعملية تنفس صحيح هذي الاشياء من اهم العلاجات اللي تخليك تتجاوزين النوبه الاكتئابيه و شوي شوي راح تتلاشى وانتي راح تقدرين تسيطرين على افكارك السلبيه .
انا استمريت على اخذ جلسات استرخاء مع الاخصائي وبعدين صرت اعملها لوحدي كل ماحسيت بنوبة قلق والحمدلله صرت اتجاوز النوبه بسرعه واصلا صرت اعرفها واقدر اسيطر عليها الى ان ابتدت تتلاشى .
هذي تجربتي حبيت افيدك واتمنى تستفيدي علما ان الاجسام تختلف عن بعضها ومايفيدني يمكن مايفيدك والعكس صحيح .
لكن فيه نقطه مهمه وهي محاولة تغيير الافكار واتوقع هي الفاصل مع الاشخاص في تأثير الادويه عليهم .
طمنينا عليك