نفساني - عرض مشاركة واحدة

15-06-2019, 12:35 PM

فزع نوح لربه وقال رب اني مغلوب فانتصر ففتحنا السماء بماء منهمر الاية
اخي الكريم والله تجينا حالات مثلك وفيه من هو اسوء حال منا لكن مو مشكلة الواحد ينهار ويبكي ويغلبه شيطانه في جولة لكن اياك يغلبك الشيطان في المعركة لذلك خل عادتك اذا انكسرت تقوم وتقاوم خلك عنيد ولاتستسلم دايم كل مانهرت قم والجأ لربك وخذ بالاسباب من ادوية ورقية وغيره.
ترى لو انت رخيص عند ربك مابتلاك بهذا البلاء هذا يدل على انه يهتم لشأنك ولم ييأس سبحانه من طيبة قلبك وترى فيه امور انا وانت مقبلين عليه لو تعرفه مانمت الليل فبالعربي الله عز وجل رايد بك خير خذه مني.
واصبر على حكمة الله سبحانه المتمثلة ببلائك وبلاءك وشدته دلالة صلابة دين عندك لكن قد تكون مدفونة بسويداء قلبك فاسمع وش يقول ربنا واستعينوا بالصبر والصلاة يعني فيه صبر وهو حنظل وصعب لكنه قال لك واصبر وماصبرك الا بالله وقال واصبر لحكم ربك فانك باعيننا تراك بعين الله فلايمكن تضيع ونهايتك سعادة وفلاح.
ارجع لوصية ربك قال سبحانه ولنبلونكم بشيء من الخوف الاية ثم قال ان من يقول انا لله يعني يملكنا سبحانه وله حق عبادته من حيث التكاليف الشرعية زي الصلاة وغيرة وكذلك التقادير الالهية لاختبار قوة توكلك عليه وقوة حسن ظنك فيه انه لايمكن يتخلى عنك. نرجع للاية من قال انا لله وانا اليه راجعون.
ماذا قال عنهم اولائك عليهم صلوات من ربهم ورحمة واولائك هم المهتدون.
ياسعدك بس.
لكن اصبر وصل وحط ببالك ترى لاصرت مريض فاتقوا الله ماستطعتم يعني لاتكلف نفسك فوق طاقك ترى الله عز وجل مختارك من بين ٧مليار كافر مايسوون عنده شيء
احيانا اشوف برامج تصدر لك ناس على انهم ناجحين وهم ماشين ببركة رب العالمين وقد يكون بعضهم نهايته تعيسة بينما الابطال امثالك اللي صبروا ورضوا بتدبير ربهم هم الناجحين فعلا لكن الوعد يوم القيامة بتشوف شي ماطرا ببالك. ترى عادي تطيح وتفشل وتنهار وتبكي وتيأس لكن انفض الغبار عنك وكمل طريقك لأن ابليس ان انتصر بجولة بنهزمه بحول الله بجولات.
ودور علاج وانا اخوك. الله يغيثك ويكشف همك وغمك يارب.