المشاركة الأصلية كتبت بواسطة أبو نجلا

أمس رحت لموعدي مع الدكتور

دخلت عليه قال رحت لمواعيدك مع الإخصائي النفسي و الإجتماعي و مرشد التعافي

قلت لا

باقي شوي يمصطني بالكرفته

قال لازم تروح لهم و خذ لك أقرب موعد معهم
و أخذ التلفون يتصل ما أدري على من
مثل ما تقولون يحرّصهم علي يعطوني أقرب المواعيد

ثم صارحته في تركي لمضاد الإكتئاب و قلت له اللي صار لي
قمنا نسولف و يقول لازم العلاج الشمولي ما يصح تترك منه شي و أنت عندك كذا علة مو علة وحدة

المهم بعدها عدلي في العلاج
برنتلكس 20 ملغ << مضاد إكتئاب في الصباح
لارجكتيل 100 << مضاد ذهان عند النوم
زبركسا 10 << مضاد ذهان عند النوم
تربتيزول 25 << مضاد إكتئاب عند النوم

الحقيقة تبغون الصراحة مقهور و الله
بالنسبة لي صارت الأدوية ضعيفة المفعول
ما أدري عشاني كارِّها و مرغم إني آكلها إرغام من دون نفس
أو إني وصلت لمرحلة صار إكتئابي في أشد مراحله و يقاوم الأدوية
لا نوم مريح و لا شهية للأكل و مزاج هابط و أفكار إنتحارية
و بعد الأدوية تسلب مني الإحساس و الإبداع

محتاج دعوات إن الله يربط على قلبي في مسألة الإيمان بالقضاء و القدر و التسليم
الله يكون بالعون