ا،السويدي

بيانات اضافيه [ + ]

رقم العضوية : 39248  تاريخ التسجيل :  06 2012  أخر زيارة : 17-04-2025 (05:42 PM)  المشاركات : 1,219 [ + ]  التقييم :  10

لوني المفضل : Cadetblue

وسواس الموت والسفر !

السلام عليكم ورحمة الله وبركاته

أخباركم؟ إن شاء الله بخير ؟

الموضوع باين من العنوان.. ان شاء الله بعد اسبوع مسافره وخايفه كالعاده ، لاني اخر مرة مسافره فيها كانت قبل 3 سنوات تقريباً
واخر مرة سافرت فيها للبلدة الي بروحلها الحين كانت قبل 8 سنوات.

انا من قبل الوسواس عندي فوبيا من الطائره.. يعني اكون متوتره وخايفه
لكن مع الوسواس حدث ولا حرج.. طبعاً هالشيء موترني. في حد سافر وهو يعاني من نوبات الهلع وكيف تصرف ؟


ثاني شيء وسواس الموت..

اذكر قبل 8 سنوات كنت كاتبه موضوع عن الخوف من الموت والسفر..
كنت خايفه اسافر لان الافكار كلها تقول انج بتموتين .. اذكر انها كانت ايام صعبه لكن الحمدلله مرت.
قاعده اقنع نفسي ان كل هذه اوهام وتوكلي على الله ، لكن شعور غريب جداً احس فيه


مادري هل لان من رمان مب مسافره فكل شيء احسه غريب وجديد. تحسون؟

يعني اي شيء قاعده احس فيه الحين قاعده اربطه بالموت وبالسفر مادري كيف اشرح لكم ان شاء الله فهمتوا ؟

ابا حد يطمني ☹

المصدر: نفساني