نفساني - عرض مشاركة واحدة

11-07-2019, 12:56 AM

أهلاً وسهلاً بكم جميعاً ..

صبآح الورد والإحسآس يآ أغلى نآس ..

كيفكم ..؟

كيف أيآمكم ..؟

عسآكم طيبين ..

إن شآء الله تكونوآ بأحسن حآل ..

والله لآ يغير علينآ وعليكم ..

والله يديم علينآ وعليكم الصحه والعآفيه ..

المهم ..

خلآل اليومين هذي الي رآحوآ , مرت علي حآله غريبه ..

كان عندي أعمآل كثيره ..

وقلت لآزم أخلصهآ من بدري ..

ومآنمت بشكل كآفي ..

يعني تقريباً نمت بحدود 3 سآعآت ..

صحيت من بدري ..

ومآرست الريآضه ..

مع إن النوم كآن سيء جداً ..

ومن السآعه 6 ونص الصبح إلى قبل المغرب ..

وأنا في حركه مستمره .. وعمل متوآصل ..

تعب وإرهآق مو طبيعي ..

المهم ..

كنت رآجع للبيت قبل المغرب ..

قلت أريح شوي .. وأكلي لقمه ..

والحمدلله المزآج كآن رآيق ..

بس كنت مرهق وتعبآن وحآلتي حآله ..

وقآعد أسمع أغآني .. << مو للمجآهره بالمعصيه .. بس عشآن أوضح تفآصيل الحآله إلي صآرت معي ..

المهم ..

لمآ قربت من البيت .. يعني في الشآرع المقآبل للبيت ..

حسيت بحآله غريبه جداً ..

أول مره تحصل لي بحيآتي ..

كآن هذآ الشآرع بالنسبه لي غريب ..

والأسوآق إلي على الشآرع كآنت غريبه ..

يعني كإني أول مره أجي هنآ ..

أول مره أشوف الشآرع هذآ ..

والأسوآق والحي هذآ كله .. كآن غريب ..

وكإني أول مره بحيآتي أجي هنآ ..

الصرآحه , كآن الموقف مرعب جداً بالنسبه لي ..

مآسبق إني مريت في هالحآله ..

الحآله إلي أعرفهآ , وسبق إني عآنيت منهآ ..

هي إختلآل الآنيه ..

بس هذي الحآله مختلفه تماماً ..

لإني وقتهآ كنت أحس بذآتي .. بس المحيط الي حوآليني غريب ..

مو كإنه غير وآقعي , لآ .. بس كآني أول مره أجي هالمكآن ..

الحآله أستمرت تقريباً دقيقتين .. وبعدين رآحت من حآلهآ ..

أنا أول مآجآء ع بآلي .. إني أصبت بمس شيطآني ..

قلت يمكن من سمآع الأغآني ..

خصوصاً قرب المغرب ..

يعني كآن بآقي ع الأذآن ..

تقريباً عشر دقآئق ..

وأنا إلي أعرفه إن الشيآطين تنتشر في وقت المغرب ..

قلت يمكن حصل مس أو شيء من هآلقبيل ..

الحآله إختفت تماماً , ولله الحمد ..

بس اليوم الثآني .. كنت متخوف تتكرر مره ثآنيه ..

لآكن الحمدلله .. حآولت أشغل نفسي .. وأتجآهل الموضوع .. عشآن مآيعلق بذهني ..

لإن حتى إختلآل الآنيه .. لمآ تركز عليه تحس فيه .. فأفضل شيء إنك تنسآه نهآئياً ..

ع العموم ..

أنا بحثت وقلبت في الموضوع بيني وبين نفسي ..

وعرفت إن الإرهآق الشديد , وقلة النوم ..

والتعب النفسي , والضغوط النفسيه ..

لهآ دور كبير في ظهور مثل هذي الحآلآت ..

لإن بدآيه إختلآل الآنيه معي , كآنت بسبب ضغوط نفسيه ..

أنا بحثت في النت عن طبيعة هذي الحآله ..

وجدت إنهآ مقآربه تماماً لحآله تعرف بـ ( تبدد الوآقع ) أو ( تبدد المحيط ) derealization ..

بس الفرق الوحيد في حآلتي .. إني مآ أنفصلت عن وآقعي ..

يعني أنا موجود .. والبشر إلي أشوفهم بالشآرع حقيقين .. والأمآكن والأسوآق كلهآ حقيقيه ..

الله لآيعيدهآ من حآله .. مرعبه ومخيفه جداً ..

حتى الإكتئآب في أشد حآلآته .. ولآ شيء مقآرنه بهذي الحآله ..

الإكتئآب , رغم إنه بشع وبغيض ومقرف وكريه .. وكل العبآرآت السيئه تقآل في حقه ..

لآكن إختلآل الآنيه .. كل هذي العبآرآت السيئه , بالإضآفه إلى إنه مرعب ومفزع ومزلزل لكيآن الإنسآن ..

وأنا أسمي إختلآل الآنيه ( الشبح ) من شدة حآله الرعب إلي تتملكني وقتهآ ..

بس أحب أذكر شغله ..

في كثير من الشيوخ ..

عندهم إعتقآد جآزم إن ( إختلآل الآنيه ) .. عبآره عن حآله تلبس شيطآني ..

مآدري هل هذآ جهل منهم .. أو هم فعلاً ع حق ..

والأطبآء النفسيين لهم رآي آخر ومختلف ..

وإحنآ ضآيعين بالطوشه ..

المهم ..

إلي جرب مثل هالحآلآت الغريبه ..

يدلي بدلوه ..

وسلآمتكم ..

وبالنسبه للردود ..

أنا أعتذر منكم ..

رآح أرد عليهآ بإذن الله بس في وقت آخر ..

بحآول أنظم نومي ..

<< خآيف تتكرر الحآله , وتمسك خطي معي ..

تصبحون ع خير ..

في امان الله ..

ظل امرأة معجب بهذا