نفساني - عرض مشاركة واحدة - الاخت مغسلة الاموات واللي على شاكلتها لاتزعلون مني

15-08-2019, 12:01 AM

الاخت مغسلة الاموات واللي على شاكلتها لاتزعلون مني

السلام عليكم جميعاً
اعتذر مقدماً ولكن طفح الكيل ..

يا اخوان اللي عنده استفسار عن حالته يكتب
او عنده سؤال
او يبغى مساعده
او يفضفض
او
او
اي شي يكون يكتب
لكن داخل منتدى وعارف اللي فيه كلهم والله ماهم داخلين بزنس ولاداخلين يتسوقون داخلين لمكان فيه ناس يعيشون مثل معاناتهم ولهم عالم خاص
اللي مكتئب واللي موسوس واللي عنده هلع واللي قلق
يجي واحد منكم ويكتب اسمه (مغسلة اموات)يا اختي انا عندي وسواس الموت واقسم بالله اذا شفت اسمك ارتعب ويضيق صدري والله تاخذ ذنبنا اش الهدف ؟خلصت الاسامي ؟
وانتي عارفه فيه ناس عندهم خوف وانتي تشوفينه بسيط لكن لا انا وحده اذا شفت اسمك اتذكر كل شي شين
واللي يكتب موضوع الادويه كذبه!!!!
خلاص يا اخي اذا الادويه كذبه اخرج من هنا وروح شوف لك علاج ثاني
كفايه تحطيم
كفايه تقصقصون خيوط الامل قدامنا
يمكن يقرا الموضوع واحد ولا وحده توه يستخدم الادويه وحاط أمله بعد الله فيها وتجي انت وتحطم نفسيته
اتقو الله فيما تكتبون
اتقو الله في انفس منهكه شفافه
اتقو الله في قلوب خايفه

ازرع الامل في نفس غيرك لو انك من داخلك مهشم
ازرع ابتسامه لو ان قلبك يبكي

فيه علاج
فيه أمل
وقبل العلاج والامل فيه(اللـه)❣
ماهو انت ولا انتي اللي يقرر سنشفى او لا ..

متفائلين برب خلق لنا قلوب تتفائل
وقلوب راجيه لطفه علينا

اقسم بالله ابكيتوني..ولا اخفيكم اني دعيت عليكم
واسفه
لكن ردة فعل

كفايه الدنيا تلطش فينا والقلوب ماهي زي بعض اذا قلوبكم وصلت لمرحلة التبلد انسحبو اخرجو من عالمنا وجودكم ضرر لنا ..
احنا هنا نطبطب على بعض..
ماهو نحطم بعض..
كفايه ارجوكم

أروى عزيز ,صامدة رغم المحن ,مغسلة الأموات و 1 آخرون معجبون بهذا

المصدر: نفساني