المشاركة الأصلية كتبت بواسطة ام محمد الحكيم

عادي اخي الرهابي الشجاع نتواصل مع الاداره والاداره توصلنا ببعض اخي ابو عبادي كان قالي قبل كده عادي
انا من شهر جالي وسواس الخوف من الامراض العقليه فكنت في يوم جالسه فسمعت صوت واعت اركز عشان اعرف مصدره معرفتش وسألت اختي هل تسمعيه قالت لااا من هنا اشتغل الرعب اني طالما لوحدي الي سمعتها يبقي عندي مرض عقلي اعوذ بالله وفضلت في قلق وخوف كل ما اسمع صوت اسال اخواتي سامعينه ولا لا ومارتحتش غير لما لقيت وحده بالضبط نفس حالتي اطمنت وعرفت انه وسواس

بعدها بيومين كنت اتكلم مع اولادي حسيت اني مش مدركه كلامي واني مش حاسه بيه بقوله وغير مدركاه زي احساس اللاواقعيه وعدم الشعور بالواقع ولا بالكلام
بعدها طنشت وكنت اثناء الصلاه بركز في كل حرف بقوله عشان اتاكد اني خاشعه في الصلاه
وبعدها ب 3 ايام جتلي النكسه افكار صعبه لان ملهاش اجابه ولانها حاجه طبيعيه لايمكن لاحد يتطلع عليها اويتدخل فيها جتلي فكره انا ازاي بتكلم وازاي الكلام بيخرج مني وازاي بتتم عمليه الكلام
وفكره خايفه يحصل لخبطه في مخي ومعنتش اعرف اتكلم
وازاي الكلام يخرج مني تلقاءي وبسرعه من غير ما افكر فيه جيدا واقوله جوا نفسي
وازاي راسي بتخرج الكلام لبرا للخارج لما بتجيلي الفكره دي بخاااف جدا واحس بالجنون واللاواقعيه واحس اني لو استمريت علي كده هتجنن
واثناء الكلام لو نسيت الحاله بتكلم بطلاقه وعادي
اول ما افتكر ازاي بتكلم وازاي الكلام هذا بيطلعومني الخوف يشتغل بلاقي نفسي بتأتأ في الكلام ومش مركزه وزهني تشتت ومش مستوعبه اي كلام بقوله واحاسيس غريبه اثناء الكلام مش عارفه براقب كلامي او بأجبر نفسي علي الكلام او مش مستوعباه ومستغرباه ومش حاسه بيه انا في معاناااااه
ارجووووووك ساعدني انا بتحسن لو لقيت حد نفس حالتي بالضبط مش مشابه
انا نفسيتي تعبانه ونفسي اجد حد نفس حالتي ياريت لو الاقي حد نفس حالتي نطمن بعض لاني ما باكل ولا بشرب
وكل ما فكره ازاي راسي بيطلع منها الكلام اخاااف واستغرب من عمليه الكلام ومن كلامي تعبت والله
انا من 7 سنين وانا عندي وسواس الموت واللاواقعيه وجميع الوساوس المصاحبه له دلوقت هدي شوي عليا واشتغل الوسواس الاصعب الكلااااام