نفساني - عرض مشاركة واحدة

12-10-2019, 11:39 AM

اقتباس:

المشاركة الأصلية كتبت بواسطة كلي ش

اخت وفاء ايش البرنامج الي سويتيه والله ابغى ارتاح من هالوسواس الي دمرني ودمر حياتي

السلام عليكم كيف حالك اليوم؟؟
أختي بالنسبة للبرنامج لو طبقتيه بتصيري تمام بإذن الله حتى لو أخذ معك وقت لا تستسلمي لأنه مرضى الوسواس يحبو يشوفو النتيجة بسرعة ولو تأخرو في الشفاء يحسو بالإحباط وإنهم ماراح يشفو
أول شي كنت أعمله في طريقي للعمل كنت أروح نصف ساعة مشي أتركي المواصلات أو السيارة وأمسك في يدي خاتم التسبيح وأبدأ طول الطريق سبحان الله الحمدلله الله أكبر لا إله إلا الله وحده لا شريك له له الملك وله الحمد وهو على كل شيء قدير سبحان الله وبحمده سبحان الله العظيم لا حول ولا قوة إلا بالله وأنا في شغلي في لحظة صمت أستغفر وأشتغل بعد ما أرجع أرجع كمان مشي وأسوي نفس الشي ولا تنسي الصلاة في وقتها وبعدها كنت أروح أمارس الرياضة في نادي لو ما تقدري سوي اليوتوب وسوي حركات الأيروبيك تطلع منك كل الطاقة السلبية لما تتعرقي تروشي وفي الليل كنت أقوم بتمارين اليوجا والاسترخاء وبعدها أقوم أصلي ركعتين قيام ليل بعد ما الكل ينام أناجي الله وأبكي وأدعي بأن يشفيني وبعدها أمسك القرآن أحاول أقرا سورة البقرة اذا ما قدرتي تقريها كلها في نفس الوقت قسمي كل جزء على أوقات الصلاة خلال اليوم كله وبعدها كنت أمسك رواية أقراها وتكون حلوة مو حزينة عشان تظل في عقلي الباطن آخر شي وما أحلم بكوابيس وبعد ما أقرأ جزء من الرواية أقول أذكار النوم وأنام هذا كل لي كنت أسويه لدرجة خلاص استغنيت عن الأدوية مع الوقت.