نفساني - عرض مشاركة واحدة

07-03-2005, 01:59 AM

السلام عليكم ورحمه الله وبركاته

شحالكم اخواني عساكم بخير وصحه وسلامه انشالله دوم

انا عالج منذ اربع سنين تقريبا من رهاب اجتماعي و وسواس قسري تحسنت والحمدالله ولاكن لم انجح في مجال دراستي حيث اني فصلت من الجامعه منذ سنه ونصف السنه ولم اخبر اهلي باني فصلت ولا حتى ابي والان لا استطيع ان اعمل الا باذن الوالد وكل ما اقول حق ابوي اريد اشتغل يقولي كمل دراستك وانا اصلا مفصول وهو ما يعرف بس مشكلتي ني ما اقدر اواجه ابوي واقوله اني مفصول دورلي شغل ما اقدر اصلا ما احاول
ولا اقدر احاول يوم اشوف ابوي في البيت اهرب من البيت بسرعه احاول ما اجلس معه ويوم يطلع ارجع البيت يعني مشكلتي اني ما اقدر اكلم ابوي ولا اهلي
والحين مليت من الجلوس خبرت الطبيب قلتله ابوي ما يعرف قالي خبرة اقولة انزين يوم اروح البيت انسى كل شئ
يا جماعه الخير انا شاب عمري 22 سنه ما اقدر اقول حق ابوي انا مفصول شوفلي شغل
عيل كيف لو بغيت اتزوج شو بسوي
وانا فكرت اني ما اتزوج لاني يمكن اظلم زوجتي وياي وله عيالي كيف بيكونون كيف بربيهم انا ما قادر اهتم بعمري بهتم بغيري الاحسن ما اتزوج للابد لا تقولون لا عادي وتزوج انتو شوفه الناس العادين كيف مشاكلهم ما بالكم في واحد مريض
المشكله الحين اني احس اني بتم طول عمري على العلاج واني ما بشفى من المرض لاني كل ما احاول اوقف يرجعن الاعراض اصلا الاعراض يرجعن لي حتى في فترة العلاج وانا ماخذ الدوة مرات احس اني زين مرات احس اني كاني ما خذت الدواء

وبنسبه لتشخيص المرض مرات احس انه في غلط لانه مشكلتي بعدني كتوم وايد يعني هم يقولون عندي رهاب اجتماعي يعني خوف بس انا احس اني عندي خجل وهو اللي مسببلي مشاكل والله ما اعرف شو اقول انا مشتت شويه

وممكن تقولولي كم سنه بكون جذي وفيه ناس تعافو ؟

حتى الحين ما اصلي وايد قمت اقطع الصلاة حتى وانا اخوف عمري وقت الاذان اقول انا سمعت الاذان بس نفسي كانها تخدرت من كثر الادويه ما احس ولا اخاف من شئ

وانا استعمل انفرانيل وهو زين بس في نفس الوقت يخليني غير مبالي

حتى الحين استحي من الدكتور اقوله اني في هذي الفترة مش مرتاح يوم اروح حق الطبيب اقوله هي انا زين واخذ الدواء واروح بس اروح عشان الدواء

شو اسوي الحين ما اعرف

الله اكبر( ولا حول ولا قوة الا بالله)

والله يوفقنا جميعا انشالله

المصدر: نفساني