المشاركة الأصلية كتبت بواسطة محمد الـ

السلام عليكم ورحمة الله وبركاته

عدت لكم مجددا ولكن للأسف هذه المرة بنوبة هلع جديدة
هل احد مرت عليه مثل هالحالة
قبل ٣ اسابيع جاني شعور زي الالم البسيط جهة الرقبة فوق الترقوة والالم داخلي وليس خارجي وحسبته بداية فلونزا ولكن للاسف اكتشفت انه يجيني وقت التوتر والعصبية ويروح ويجي مع النبض.
سويت رياضة وركضت قلت لو فيني شي في قلبي راح يبان ولكن الحمدلله اموري تمام.
اليوم صار موقف وعصبت وبعدها جاني الالم هذا بشعور أقوى وبعدها بشوي حسيت اني ارجف شوي وجاتني افكار خوف وفجأة حسيت بأني جالس ادوخ وافقد وعيي وجلست اتشهد واطلب من اللي معاي يتصل بالاسعاف ولكن فجأة بعدها بشوي راح الشعور وخفيت شوي والحمدلله ماصار شي.

طبعا كل تفكيري انه شي في الوريد او صمام القلب وخايف اروح المستشفى واكشف لان لو رحت راح يدخلوني في دوامه ومتاهة طويلة وقعت فيها قبل ٨ سنوات تقريبا وكانت ايامها اموري تمام.

هل احد مر بنفس التجربة وهل فعلا اللي جاني اليوم كان نوبة هلع؟
علما اني سويت رياضة اليوم لكن لما اسوي رياضة مايجيني نفس الشعور فقط لما اعصب او اتوتر