نفساني - عرض مشاركة واحدة

10-12-2019, 05:52 AM

اهلين نفس
انا ماجربت سيبرالكس بس بتكلم عن تجربتي لبرنتلكس
انا استخدم برنتلكس وبفضل من الله ثم هالدواء تحسنت تسعين بالميه بدون مبالغه لكن زاد وزني تسعه كيلو بسنه ونص .
للامانه انا اكل كثير وجمعاتنا كثير وخلقه احب الحلا وايام التعب والهلع توقف اكلي وشهيتي تماما يادوب اكل شي خفيف عشان ما احس برجفه وما اتوقع زيادة الوزن من الدواء لأن مثل ماقلت لك اكلي كثير .
اما الجنس ما ادري والله ولا عندي خبره بهالموضوع لأني بعمر الخمسين ولا يطرالي اصلا هالشي وانا غير متزوجه .
لكن البرنتلكس عيبه شي واحد انه بطيء يعني مو باسبوع راح تحس انك تعافيت انا صبرت عليه حول الشهر الى ان حسيت باختفاء اعراض الهلع ورجعت لي الحياه .
وتذكر مو كل الاجسام وجيناتها متشابهه يمكن اللي ينفعني ماينفعك ويمكن ينفعك لاتنسى افكارك هذي شي مهم جدا بالاضطرابات النفسيه .
يعني مثل ماتبرمج عقلك راح تكون حياتك .
لا تيأس
لاتتشائم
لاتكون متصلب برأيك
لاتنتقد
لاتدخل في مشادات ومتاهات تتعبك وتثير اعصابك
حب نفسك
ابعد عن اي شي يوترك مع ان الحياه مكابده بس تذكر انه مدبر الأمر يدبر كل شي سبحانه .
وقبل كل شي ثق ثقه تامه ان هالمرض بأمر الله ان شاء رفعه وان شاء استمر معاك هو فقط اليقين وحسن الظن بالله اللي راح يخليك تعيش حياة مطمئنه وهادئه .
كلامي مو انشائي عشان اطمنك لا بالعكس انا كنت زيك وقت المرض تائهه خايفه متلخبطه كل افكاري وكنت رافضه اخذ دواء نفسي من كثر الكلام السلبي عنه لكن استخرت ربي وابتديت بالدواء وكان احسن قرار انا كم سنه بعيش ؟ اي عدد كان ابغى اعيشه بسلام وراحه ليش اقاوم مرض مؤلم محد يعرفه ويفهمه الا اللي جربه .
وتذكر كل شي تعيشه هو قدرك ومكتوب عليك قل دائما وابدا الحمدلله وبتشوف العافيه بحول الله وقوته.
طمنا عليك