المشاركة الأصلية كتبت بواسطة قطرات الندا

اهلين لوليتا
سلامتك واتمنى اللي عندك عسر مزاج مو اكتئاب لازم تروحي لمختص يعمل لك اختبار ويقيم حالتك هل هو اكتئاب او عسر مزاج ويعدي .
انا بالبدايه كان معاي هلع لكني شفت الموت منه ومن اعراضه وقالي الدكتور انتي اساسا معاك اكتئاب وقلق سبب لك كل هالاعراض وماكنت مصدقه وبالفعل بعد علاج سلوكي لمدة سته شهور اختفى الهلع بس اختفت كل المتعه بالحياه متعة الاكل متعة السفر متعة الاهل متعة الجمعات والاصحاب صرت ما اتحمم الا كل يومين وبكسل كمان كل الاشياء اللي كنت احبها صارت ماتعني لي شي اقعد افكر اقول لو تحقق هالامنيه اللي ابغاها ارجع اقول ماراح تبسطني باختصار الحياه كلها تغيرت لدرجة اقول للدكتور يادكتور معد تمتعني احلام اليقظه ابدا ولا اعرف ارسمها في مخيلتي مثل زمان قال هذا من اعراض الاكتئاب لكن الحمدلله استخرت واخذت دواء ورجعت شوي شوي للحياه لكن بشكل مختلف صرت اكثر هدوء واقل قلق وتاركه امور الحياه تمشي بدون تشنج وارتحت الحمدلله .
ان شاء الله ماتشوفي شر وطمنينا عليك